سرپل ولایتی صیاد تومنیده کیتمه-کیت قوروقچیلیک، ییللردن بویان ایکینچیلیک و چاروهچیلیک یولیدن درآمد قولگه کیلتیرهدیگن یوزلب عایلهنی، جدی قیینچیلیکلر بیلن روپهره قیلگن.
اوشبو ولایت صیاد تومنینینگ «بلندغور افغانیه» قیشلاغی یشاوچیسی مستوخاننینگ سلاموطندار گه ایتیشیچه، قوروقچیلیک نتیجهسیده اهالی ییرلری زیان کورگن. او، محصوللرنینگ سیزیلرلی درجهده کمهیگنیگه اشاره قیلیب و کوپهیتیریشیچه: «اوشبو قیشلاقدهگی عایلهلردن هر بیرینینگ ایکینچیلیک ییری بار. اوتگن ییللرده هر بیر ییردن ۲۰۰-۳۰۰ سیر حاصل آلینهر ایدی، بیراق حاضر هیچ حاصل یوق و ۲۰ سیر هم حاصل قولگه کیلتیره آلمهیمیز.»
شونینگدیک مستوخان، قوروقچیلیک نتیجهسیده چاروهچیلیکنینگ جبرلنگنینی بیان قیلیب و ایتیشیچه: «بو ییردهگی اهالی چاروهچیلیک بیلن هم شغللنگن. هر کیم ۱۰-۱۵ باش قوی یا-ده ایچکیگه ایگه دیر. قوروقچیلیک اوچون اهالی حیاتی قرض آلیش و قیینچیلیک بیلن اوتماقده.»
صیاد مرکزی یشاوچیسی بولمیش گلمحمد، للمی ییرلر وضعیتینینگ تینگری رحمتیگه تیگیشلی بولگنینی بیان قیلیب و ایتیشیچه، هر ییلی دهقانلر یامغیر یاغمسلیگی قورقووی بیلن ایکین ایکهدیلر. «یامغیر یاغگنیده حاصل آلهمیز و یاغمسه ایسه، هیچ نرسه یوق. اهالی ایشلماق اوچون باشقه ولایتلرگه کیتیشگه مجبور بولهدی. بو ییل یالغیز سامان قولگه کیلتیره آلدیک.»
شونینگدیک مذکور تومن «شاتوت» قیشلاغی یشاوچیسی سیدمصطفا، محصوللرنینگ کوپ شکلده کمهیشی و قیشلاقنینگ یشاوچیدن بوشهیشی تهدیدی توغریسیده گپلهشیب و ایتیشیچه: «هر ییلی قوروقچیلیک کوپهیهدی. حاصل یریمگه ییتیشگن. چاروهلر قیمتی کمهیگن و اهالی بیر بوجی ساماننی ۲۵۰۰ افغانیگه ساتیب آلهدیلر. اوشبو قوروقچیلیک دوام قیلگنیده، قیشلاقنینگ یشاوچیدن بوشهیشی ممکن. حاضر شاتوت قیشلاغی یشاوچیلریدن یریمی کوچ قیلگن.»
ایکینچیلر یانیده، عایلهلردن کوپ قطارینینگ اصلی درآمد منبعسی بولگن چاروهچیلیک هم، یامان وضعیتده قرار تاپگن. یشاوچیلرگه کوره، سوو کملیگی و اوت یوقلیگی، چاروهلرنینگ تلف بولیش خوفی آستیگه قوییب و اولرنینگ سقلس خرهجتلری اهالی امکانیتیدن کوپ دیر.
صیاد تومنی محلی مسئوللری، بو وضعیتنی تصدیقلب و آگاهلنتیریشلریچه، قیشلاقلردن قطاری یشاوچیدن بوشهب قالیش عرفهسیده قرار تاپگن. مذکور تومن اورینباسری محمدیاسین انسنینگ ایتیشیچه: «۱۴۰۱-ییلدن حاضرگچه دهقانلر اوشه سیپهدیگنلری اوروغنی هم قیته آلالمهیدیلر. قوروقچیلیک اهالینی تاثیرلنتیرگن. یالغیز ۱۴۰۳-ییلده ایکیش بیراز یخشیراق بولگن ایدی، بیراق حاضر قیش بولگنی بیلن یاغینگرچیلیک بولمهدی. تورلی موسوملرده ایکینچیلیک و ایچیملیک اوچون سوو یوق ایدی، اهالی کوچیشگه مجبور بولدی و حاضر هم بو جریاننینگ دوامی بار.»
قوروقچیلیک بحرانی دوامیگه توجه قیلیش بیلن، صیاد تومنی یشاوچیلری سوو مدیریت بولیشی، دهقانلر قوللب-قوتلنیشی و قیشلاق یشاوچیلرینینگ کینگ کولملی کوچ قیلیشی آلدی آلینیشی اوچون دولت و یاردم بیرووچی نهادلر آرقهلی عاجل اقدام بولینیشینی سورهگنلر.
