ننگرهار حوزوی کسلخانه سوزلاوچیسی گل‌زاده سنگر نینگ سلام‌وطندارگه ایتیشیچه، ننگرهار مرکزی جلال‌آباد شهریده پاکستان ویزه‌سینی قولگه کیلتیریش اوچون مراجعت قیلگنلردن ۱۱ ته‌سی گاوجوملیک یوزبیرگنی باعث هلاک بولگن.
اونگه کوره، ویزه اوچون مراجعت قیله‌دیگنلرنینگ گاوجوملیگی باعث ۱۱ عیال جان بیرگن و شونینگدیک ۹ عیال و ۳ ایرکک شامل باشقه ۱۲ کیشی تن جراحتی کوتارگن.
اونینگ معلوماتی اساسیده، حادثه یره‌دارلری نینگ قطاری نی ساغلیک وضعیتی یمان دیر.
ننگرهار حوزوی کسلخانه سوزلاوچیسی نینگ ایتیشیچه، حادثه قربانی‌لری کسلخانه گه انتقال بیریلگن.
ننگرهار حاکمی سوزلاوچیسی عطاالله خوگیانی، ویزه آلیش اوچون مراجعت قیلگنلردن قطاری گاوجوملیک باعث جان بیرگنی نی تصدیقله‌یدی؛ بیراق قربانیلر حقیده هیچ بیر نرسه دیمه‌گن.
کرونا ویروسی افغانستان ده کینگه‌یگنی باعث ننگرهار ده پاکستان قنسولگرلیگی باغلنگن ایدی.
ننگرهار یشاوچی‌لری نینگ ایتیش‌لریچه، اهالی ویزه آلیش اوچون کوپ مراجعت قیلگنی و مسئوللرنینگ مدیریت‌سیزلیگی باعث، مراجعت قیله‌دیگنلردن قطاری گاوجوملیک باعث جان بیرگن.
ننگرهار رسمی‌لری ویزه آلیش اوچون ینگی بیر طرزالعمل قول آستیده آلگن کیم اونینگ اساسیده، کونده بیر مینگ کیشی گه ویزه ترقه‌تیله‌دی.
