قندوز برشنا شرکتی، ۱۷-عقرب، شنبه کونی بیر بیانیه ترقهتیب اوشبو ولایت امامصاحب تومنی یشاوچیلریدن بیرینی برق آلیب اولدیرگنیدن خبر بیرگن.
بیانیه گه کوره، بو واقعه اوتگن کونی شام پیتی امامصاحب تومنی «بندر ناصر» ده یوز بیرگن و اوشبو کیشی برق ترماغی یقینیده ایشلش پیتیده احتیاطسیزلیگی طفیلی هلاک بولگن.
قندوز برشنا شرکتی آگاهلنتیرهدی کی، ۶، ۲۰ و ۴۰۰ کیلوولت برقی گه یاغاچ یا کی تیمیر کبی نرسهلرنی یقینلشتیریش یا کی اولر گه تیگیش هر قندهی حالتده اولیم بیلن یکونلنیشی گه سبب بولهدی.
قندوز برشنا ریاستی مسئوللری اهالی گه مراجعت قیلیب، قوریلیش ایشلری، درخت شاخهلرینی کیسیش یا کی برق ترماقلری یقینیده آنتن اورنهتیشدن اول اوشبو ادارهنینگ تیگیشلی بولیملری یا کی مسئوللریدن مصلحت سورهشینی اېستهیدی. بو اېسه ممکن بولگن تلفات و ضررلرنینگ آلدینی آلیشگه یاردم بیرهدی.
