کنر ولایتی چوکی (څوکی) تومنیده یوز بیرگن اولیملی زلزلهدن جبرلنگنلردن قطارینینگ ایتیشلریچه، وقتینچهلیک کمپلرده حیات کیچیریش، اولر اوچون قیین بولیب و اویلریگه قیتماقچینلر.
اوشبو ولایتده یوز بیرگن زلزله طفیلی برچه نرسهسینی قولدن بیریگن چوکی تومنی یشاوچیسی خبیبنینگ ایتیشیچه، قیته عادی حیاتیگه قیتیشنی ایستهیدی. اونینگ کوپهیتیریشیچه: «قیته قیشلاغیمیزگه قیتیشنی ایستهیمیز؛ بو ییرده یامغیر یاغهدی، شونینگدیک اوتیب-قیتیش اوچون سرک هم یوق.»
شونینگدیک چوکی تومنی یشاوچیلریدن باشقه بیری شفیعاللهنینگ ایتیشیچه: «بو ییرده یشش کوپ قیین دیر؛ قیش ییتیب کیلماقده؛ بیز دایمی باشپنه گه نیازیمیز بار.»
شوندهی بیرحالده، چوکی تومنی یشاوچیلریدن باشقه بیری سمیعاللهنینگ ایتیشیچه، مذکور تومن یشاوچیلری حاضر دایمی و تینچ باشپنه گه نیازی بار. اونینگ کوپهیتیریشیچه: «اهالی اینیقسه بالهلر حاضرگچه زلزلهدن قورقیب قالگن؛ بالهلرگه روحی زیان ییتیشگن؛ حکومت و نهادلردن تینچ و درست بیر منطقهده یشش زمینهسی یرهتیلیشینی ایستهیمیز.»
کنر ولایتیدهگی مذکور جبرلنگنلر، اسلام امیرلیگی و یاردم بیرووچی نهادلردن مخصوص بیر جایده اولرگه اوی قوریلیشینی ایستهیدیلر.
چوکی تومنی ولسوالی محمدابراهیم ثاقبنینگ ایتیشیچه، سونگی هفتهلرده زلزلهدن جبرلنگنلردن کوپ قطاری، کمپلردن اویلریگه قیتگنلر. ثاقب گه کوره: «اهالینینگ اصلی خواطری اویلری قیته قوریلیشی دیر؛ نهادلردن قطاری اویلری قیته قوریلیشی توغریسیده سوز بیرگنلر. ایچکی و تشقی نهادلردن اویلر قوریلیشی بولییمده همکارلیک بولیشینی ایستهیمیز که اهالی اویلریگه قیته آلسهلر.»
جاری ییل ۱۱-سنبله، افغانستان شرقی اینیقسه کنر ده اولیملی زلزله یوز بیریب، بیش مینگ کیشینینگ اولیب و یرهلنیشی همده مینگلرچه یشش اوینینگ بوزیلیشیگه سبب بولگن.
