ننگرهار ولایتینینگ شینوار تومنیده اوچووچیسیز اوچاق آرقهلی اویوشتیریلگن هوا هجومی عاقبتیده تورت تینچ اهالی یرهلنگن.
ننگرهار حاکمیتی ادارهسی، ۵-سنبله، چهارشنبهدن پنجشنبه گه اوتر کیچه اوشبو ولایتنینگ شینوار تومنیده بیر یشش اویده اوچووچیسیز اوچاق آرقهلی اویوشتیریلگن ایکّی هوا هجومی عاقبتیده تورت تینچ اهالی یرهلنگنینی معلوم قیلگن.
بیانیهده، واقعهده بیر عایلهدن اوچ باله و بیر عیال یرهلنگنی قید ایتیلگن.
امنیتی مسئوللر گه کوره، واقعه طفیلی یرهلنگنلر کسلخانه گه آلیب باریلیب دوالنماقده. اولرنینگ ایتیشیچه، اوشبو کیشیلرنینگ ساغلیق احوالی قانیقرلی دیر.
بیانیهده، قربانلرنینگ یشش اویی ضرر کورگن و اونینگ اوچ اتاقی بوزیلگن.
ننگرهار محلی رسمیلری، حاضرگه قدر بو واقعه کیم تامانیدن اویوشتیریلگنی حقیده فکر-ملاحظه بیلدیرمهگنلر.
