سلام‌وطندار اوشبو گزارش ده، مملکت نینگ ۱۰ ولایتیده ۴۶ عیال بیلن صحبت قیلگن اولر نینگ ۲۹ نفری حامله‌دارلیک پیتیده کوپ آوقت‌لنیش‌لری طفیلی سیمری‌گنلرینی معلوم قیلگنلر. اوشبو صحبت قیلگنلردن آلتی نفری سپورت قیله آلمسلیک، بیش نفری طبیعی سیمریشی و باشقه آلتی نفری حامله‌دارلیک پیتیده عادت‌لری طفیلی فزیکی نقطه‌ی-نظریدن اۉزگریب و سیمری‌گنلرینی اېتگنلر.
تورموش قورگنیدن ایکّی ییل اۉتگن و بیر باله آنه‌سی قندوزلیک سحر احمدزی نینگ ایتیشیچه، حامله‌دارلیک پیتیده کوپ آوقت‌لنیشی طفیلی حاضر سیمریگن. اونگه کوره: «حامله‌دارلیک پیتیده کوپ آچ قالردیم شونی اوچون استرسیم بار اېدی؛ کونسه‌یین سیمریدیم و کورینیش ده هم اۉزگردیم.»
تورموش قورگنیدن ۱۱ ییل اۉتگن فرزانه احدی نینگ ایتیشیچه: «حامله‌دارلیک پیتیده آوقت‌لنیش‌نی رعایت قیلمس اېدیم. پاچه، میوه و باشقه قووتلی نرسه‌لرنی کوپ ییر اېدیم شونی اوچون سیمریدیم.»
بیزلرنینگ فیسبوک صحیفه‌میزگه باش اورینگ!
فاریاب یشاوچیسی رعنا، حامله‌دارلیک پیتیده سپورت قیله آلمسلیگی اوچون سیمریگنینی معلوم قیله‌دی. اونینگ کوپه‌یتیریشیچه: «فاریاب اوزاق ده جایلشگن ولایت دیر و عیاللر نینگ سپورت قیلیشی اوچون مخصوص جای یوق و ایش‌سیزلیک سبب سیمریدیم.»
تخارلیک فریده گه کوره، سپورت قیلمسلیگی اوچون سیمریب و سویک آخریق تاپگن. اونینگ ایتیشیچه: «یخشی آوقت‌لنمسلیک و سپورت قیلمسلیک باعث تنه‌م اۉزگردی؛ تورموش قوریشدن آلدین ۶۰ کیلو اېدیم و حاضر ۹۸ کیلو من، بو سیمیزلیک ایاغ آغریق و بیل آغریق بولیش گه سبب بولگن.»
بادغیس یشاوچیسی شبانه و جوزجان یشاوچیسی آرزو، تورموش قورگنلریدن سۉنگ تینچ بولیش‌لری تنه‌لری اۉزگریشی گه سبب بولگنینی اېته‌دیلر.
تخار یشاوچیسی زفنون نینگ ایتیشیچه، حیاتیده‌گی قیینچیلیک تنه‌سی اۉزگریشی گه تأثیر قیلگن. اونگه کوره: «تورموش قوریشدن آلدین اریغ اېدیم؛ بیراق حاضر سیمریگن من و باشقه‌لر هم سیمریگنیمنی اېته‌دیلر؛ بیراق تشویش و قیغو سیمریشیمگه سبب بولگن.»
بیزلرنینگ «ایکس» ترماغی ده هم تعقیب قیلینگ!
کاپیسا ولایتی یشاوچیسی رعنا، بیرقطار عیاللر ارثی باعث توغیشدن سۉنگ تنه‌لری اۉزگریشیگه ایشانه‌دی.
شفاکارلردن بیرقطاری نینگ ایتیشلریچه، حامله‌دارلیک پیتی و اوندن کېین عیاللر نینگ تنه‌سیده هورمونی اۉزگریش، اولر نینگ فزیکی اۉزگریشی گه سبب بوله‌دی.
نسایی-ولادی شفاکاری عاطفه بارکزی نینگ ایشانچی گه کوره، عیاللر سپورت قیلیش و یخشی آوقت‌لنیش بیلن تنه‌لریده هورمونی اۉزگریشلرینی کمه‌یتیریش‌لری ممکن. اونینگ کوپه‌یتیریشیچه، ۱۲.۵ کیلوگرام سیمریش طبیعی دیر و سیمیز عیاللر آوقت بولیمی شفاکارلری گه مراجعت قیلیش‌لری درکار.
روان‌شناس‌لر نینگ ایتیشلریچه، حامله‌دارلیک و اوندن سۉنگ تشویش و افسرده‌لیک عیاللر نینگ فزیکی اۉزگریشی گه سبب بولگن. روان‌شناس هبت‌الله ابراهیم خیل نینگ ایتیشیچه: «حامله‌دار عیاللر سپورت و یخشی آوقت‌لنیشی کېره‌ک؛ ایکّینچیدن هېچ کیم بیلن اوروش و دعوا قیلمسلیگی لازم.»
حامله‌دارلیک؛ عیاللر اوچون حساس دوره‌دیر اۉز نفس‌لریده اولر نینگ حیاتینی اۉزگرتیره‌دی؛ بیراق فزیکی اۉزگریش عیاللر نینگ قیینچیلیک بیلن دوچ قیلیشی ممکن.