امریکا جمهور باشلیغی دونالد ترامپ، روسیهنینگ اوکراینگه اویوشتیرگن مثلسیز هجومیدن کیین، مسکو گه قرشی اینگ جدی تحریملرنینگ قوییشینی ایتگن.
ترامپ، کییف گه روسیهنینگ اوچووچیسیز پهپاد و راکته هجوملریدن سونگ، اوکراین ده دوام قیلهدیگن وضعیتدن راضی ایمسلیگیگه تاکیدلب و کوپهیتیریشیچه، مسکو گه قرشی تحریملرنینگ «ایکینچی باسقیچی» گه کیریش احتمالی بار.
امریکا مالیه وزیری اسکات بسنتنینگ ایتیشیچه، ینگی اقداملر روسیه نفتینینگ ساتیب آلووچیلرگه قرشی ایکینچی تحریملرنی هم اوز ایچیگه آلیشی ممکن. اونینگ اورغولشیچه: «امریکا و اروپا بیرلشمهسی باسیملرنی کوپهیتیرگنی صورتده، روسیه اقتصادینینگ بوتونلی اورتهدن کیتیشی ممکن.»
روسیه، ینگیلیکده اویوشتیرگن هجوملریده اوکراین تامان کمیده ۸۱۰ اوچووچیسیز اوچاق و ۱۳ راکتهنی آتگن. بو اوروش باشلنگنیدن بیری اویوشتیریلگن اینگ بویوک هجوم دیر.
ترامپ، سونگی آیلرده اوروشنینگ یکونلنیشی اوچون دیپلماتیک ییچیم یولنی تاپیش اوچون تاکید قیلگن. او اوتگن آی آلاسکا ده روسیه جمهور باشلیغی ولادیمیر پوتین بیلن اوچرهشیب و اوندن کیین واشنگتن ده زلنسکی و اروپا رهبرلری میزبانی بولگن. مذکور سعیوحرکتلر بولگنی بیلن، صلح یولیده هیچ بیر یوتوق کوریلمهی و شونینگدیک روسیه هم اوکرایننینگ بمباردمان قیلیشگه دوام بیرهدی.
