حاضرگی کونده پاکستان، کېنگ کولملی ناراضیلیک و جدی ناتینچ‌لیک‌لر گواهی دیر. پاکستانده بو احوال دوام اېتماقده اېکن، ۱۵-میزان، یک‌شنبه دن دوشنبه گه اوتر کیچه، بلوچستان آزادی‌بخش گروهی کراچی شهری هوا قونالغه‌سی یقینیده هجوم اویوشتیرگن، اوشبو هجوم طفیلی پاکستانده چین‌لیک ایکّی کیشی هلاک بولیب و باشقه ۱۰ دن آرتیق کیشی یره‌لنگن.
بیر قنچه وقتدن بیری پاکستان نینگ ایریم اېتنیک و سیاسی گروه‌لری تامانیدن اوشبو مملکت دولتی گه قرشی جدی ناراضیلیک همایش‌لر دوام اېتماقده.
ینگی‌لیکده، پاکستان سابق باش وزیری عمران خان یېتکچیلیگیده پاکستان انصاب تحریک حزبی نینگ طرفدارلری، نیچه کوندن بیری بو مملکت نینگ تورلی منطقه‌لری اینیقسه پایتخت اسلام‌آباد ده ناراضیلیک بیلدیریب کېلماقده.
بونگه قۉشیمچه، پاکستان حکومتی، بو حکومت گه قرشی ناراضیلیک بیلدیرگن تحفظ پشتون‌لر حرکتی فعالیتینی ناقانونی اعلام قیلگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، اسلام امیرلیگی پاکستان حکومتی دن، بو مملکت ده‌گی ناراضی‌لیک‌لر گه دقت قیلیشینی اېسته‌گن.
اسلام امیرلیگی تشقی ایشلر وزیرلیگی سۉزلاوچیسی عبدالقهار بلخی بیر بیانیه ترقه‌تیب، پاکستانده بو احوال دوام تاپگن حالده منطقه ده سلبی تأثیر قوییشینی اېتگن.
تشقی ایشلر وزیرلیگی سۉزلاوچیسی نینگ بیانیه‌سیده کېلیشیچه: «پاکستانده حکومت و سیاسی آقیم‌لر اۉرته‌سیده ناراضیلیک کوپه‌یگن، بو احوال منطقه گه سلبی تأثیر قوییشی ممکن، اهالی نینگ اېسته‌گی انابت گه آلینیشی اوچون اېنگ قولی یول مذاکره دیر، سۉنگی واقعه‌لر گه دایر مذاکره بولمه‌گن تقدیرده احوال مرکب‌لشی ممکن.»
پاکستان تشقی ایشلر وزیرلیگی، سرپرست حکومت تشقی ایشلر وزیرلیگی سۉزلاوچیسی نینگ بیاناتی گه مناسبت بیلدیریب و اسلام امیرلیگی افغانستان نینگ ایچکی قیینچیلیک‌لری گه دقت قیلیشینی اېسته‌گن.
بیزلرنینگ «ایکس» ترماغی ده هم تعقیب قیلینگ!
پاکستان تشقی ایشلر وزیرلیگی، سرپرست حکومت تشقی ایشلر وزیرلیگی سۉزلاوچیسی نینگ بیاناتینی اساس‌سیز دیگن.
شو بیلن بیرگه، ایش بیلرمانلر نینگ ایشانچی گه کوره، پاکستان حکومتی نینگ تشقی و ایچکی سیاست‌لری منطقه ثباتی نقصی گه دیر.
خلق‌ارا مناسبت‌لر ایش بیلرمان‌لریدن اجمل زرمتی نینگ ایتیشیچه: «پاکستان ایچکی و تشقی سیاستیده بعضی اصلاحات کېریتیشی کېره‌ک، بو حکومت متقابل حرمت اساسیده عملی قیلیشی لازم.»
شو بیلن بیرگه، پاکستان‌لیک ژورنالیست و تحلیلچی طاهرخان سلام‌وطندار بیلن اۉتکزگن صحبتیده، پاکستانده‌گی احوال اوشبو مملکت نینگ سۉنگی سیلاو نتیجه‌سی دیېدی.
حاضر، پاکستانده احوال عادی حالتی گه قیتگنینی اېته‌دی، پاکستان‌لیک ژورنالیست و تحلیلچی طاهرخان.
او، پاکستانده‌گی احوال نینگ افغانستان و منطقه اوستیگه تأثیری حقیده ایتیشیچه: «پاکستان احوالی باشقه مملکت‌لر نینگ اوستیگه اونچه‌لیک تأثیری یوق دیب اویله‌ی من، البته افغانستان و پاکستان اۉرته‌سیده آلیش-بیریش اوچون یول توسیلسه تأثیری بولیشی ممکن.»
پاکستان حکومتی، افغانستان‌لیک چمه‌سی ۱۲۰ کیشینی پاکستان طالبلر تحریکی حزبی نینگ ناراضی‌لیک‌لری گه قوشیلیش عیبی بیلن قولگه آلگنینی ادعا قیلگن، بیراق اسلام امیرلیگی بوتوغریده حاضرگه قدر فکر-ملاحظه بیلدیرمه‌گن.
پاکستانده ثبات‌سیزلیک اینیقسه بو مملکت ده قومی ناراضیلیک، بوندن آلدین اوشبو مملکت گه افغانستان نینگ ترانزیت و سوداگرلرینی ایریم قیینچیلیک بیلن دوچ قیلگن.
