دکانده هر خیل رنگ-برنگ ایچیملیکلر قیزیقتیرسه، بیلینگ-اولر فقط چنقاغینگیزنی باسمهیدی، کیفیتینگیز گه هم «هجوم» قیلهدی.
علمی خلاصه: شیرینلیک-دایم هم شیرین عاقبت بیرمهیدی.
۱۸۸ مینگ نفر انسان، ۱۱ ییللیک کوزهتوو و انیق نتیجه. عالملر ۳۷ یاشدن ۷۳ یاشگچه بولگن کونگیلیلر آرهسیده ایچیملیک تنلاوی و روحی حالتلر اورتهسیدهگی باغلیقلیکنی اورگندیلر.
شکرلی گازلی ایچیملیکلر و صنعی شیرینلشتیریلگن اسیچیملیکلر استعمالی افسردهلیک خوفینی ماس روشده ۱۴٪ و ۲۳٪ گه آشیرگن.
بیزلرنینگ فیسبوک صحیفهمیزگه باش اورینگ!
ینگی میوه شربتلری و قهوه استعمالی اېسه بو خوفنی ۱۹٪ و ۱۲٪ گه کمهیتیرگن.
بو نتیجهلر اساسن ۶۰ یاشگچه بولگنلر اوچون اهمیتلی. کېکسه یاشدهگی آدملرده اېسه شیرین ایچیملیکلر و روحی حالت اورتهسیده انیق باغلیقلیک تاپیلمهگن. اما قهوه و طبیعی شربتلر کېکسهلر گه هم فایده کېلتیرگن.
ایچیملیکنی المشتیرسنگیز، کفیتینگیز هم اۉزگرهدی!
تدقیقاتده ېنه بیر قیزیق جهت انیقلندی: گازلی ایچیملیک اورنیگه طبیعی شربت استعمال قیلیش آرقهلی افسردهلیک خوفینی ۱۶٪ گه کمهیتیریش ممکن اېکن. بو اېسه فقط تنهنگیز اوچون اېمس، بلکه روحینگیز اوچون هم مهم تنلاو!
بیزلرنینگ «ایکس» ترماغی ده هم تعقیب قیلینگ!
تدقیقات مولفلری بو خلاصهلر «ایچیملیک کسللیک کېلتیرهدی» دیگن معنانی بیرمسلیگینی، اما آوقتلنیشدهگی کیچیک اۉزگریشلر هم روحی سلامتلیکّه تأثیر قیلیشی ممکنلیگینی اورغولهیدی.
ساغلام آوقتلنیش حقیده گپ کېتگنده، بیز عادتده وزن یاکه قند مقداری حقیده اویلهیمیز. اما بو تدقیقات شونچه که «قنچه کالِری؟» دیگن سوالدن کوره، «قیسی کیفیت؟» دیگن سوال هم مهم اېکنینی کورستهدی.
ایچیملیک تنلشده شاشیلمنگیز. گازلی یاکه شیرین اېمس-طبیعی و روحیت گه فایده بیرهدیگنینی تنلنگ.
سیز قیسی ایچیملیکنی یخشی کورهسیز؟
