هوا ساووق‌لشه‌یاتگن بیرپیتده، تنفسی کسللیکلر گه چلینگن کابل یشاوچیلری و باله‌لردن بیرقطاری، اوزلرینی چیک ایتیش اوچون اندراگاندی کسلخانه‌سیده اوزون صف توتگن‌لر.
هوا ساووق‌لشی بیلن تاش کومیر، یاغاچ و باشقه دودلی ماده‌لردن ناقانونی روشده قولنیش، کابل شهری هواسینی کوتیلمس درجه‌ده افلاس‌لنتیرگن؛ عین‌حالده، شام‌دن کیین کابل نینگ آزاد هواسینی تنفس قیلیش اولیملی درجه ده خوفلی دیر.
کابل یشاوچیلریدن رفیع‌الله هوا افلاس‌لیگی‌دن شکایت قیلیب و ایتیشیچه: «هر ییل قیش موسومی‌ده‌گی هوا افلاس‌لیگی، کوپینچه قیین‌چیلیک‌لر گه سبب بوله‌دی و شام وقتی‌ده ایسه کون گه قره‌گنده اوشبو افلاس‌لیک کوپراق بوله‌دی و بلند منزل‌لر تصفیه بولمه‌گن تاش کومیرلر‌دن استفاده قیله‌دیلر که انه شوو سبب، هوا افلاس‌لیگی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری پیمان محمدی نینگ ایتیشیچه، هر ییل هوا ساوویشی‌دن کیین، هوا افلاس‌لیگی هم کوپه‌یب و اهالی نینگ تورلی کسللیکلر گه چلین‌تیره‌دی.
او، اسلام امیر‌لیگی‌دن بلند منزل‌لر و حمام‌لرده قوللنه‌دیگن یانغین ماده‌لردن جدی شکلده توجه قیلیش‌لری نی ایسته‌گن.
عین حالده، اطراف محیط و هوا افلاس‌لیگی نی کنترول قیلووچی سرپرستی انجینیر نصیر نینگ ایتیشیچه، اقلیم اوزگریشی، حمام‌لر و یشش اوی‌لرده تاش کومیر قوللنیشی و شونینگدیک کیفیتی قویی بولگن تیل‌لردن نقلیه واسطه‌لرده قوللنیشی کابل شهری هواسی نینگ افلاسلنگنی اصلی عاملی دیر.
بیراق کابل بلدیه نماینده‌سی نعمت‌الله بارکزی نینگ ایتیشیچه، کابل اطراف محیطی و هوا افلاس‌لیگی نینگ کنترولی اوچون، اوچ آی آلدین‌دن تدبیر‌لر نی قولگه آلگنلر.
باشقه بیر تامان‌دن، اندارگاندی کسل‌خانه مسئوللری نینگ ایتیش‌لریچه، هوا افلاس‌لیگی سبب، یشاوچیلر اینیسقه باله‌لر آره‌سیده تنفسی کسللیکلر کوپه‌یگن دیر.
بیزلرنینگ توییترده هم تعقیب قیلینگ!
اولر گه کوره، پایتخت نینگ هواسی یامان بیر شکلده افلاسلنگنی سبب، باله‌لر اولیمی میزانی ۹۰ فایز گه کوپه‌یگن.
اندراگاندی کسل‌خانه‌سی نینگ تنفسی بولیمی مسئولی و ترینری سیف‌الله عباسین نینگ ایتیشیچه: «خزان نینگ یکونلنیشی و قیش موسومی نینگ ییتیب کیلیشی بیلن، هوا افلاس‌لیگی سبب، باله‌لر نینگ کسل بولیش و اولیمی میزانی کوپه‌یه‌دی و باله‌لر کسل‌لیگی و اولیمی نینگ ۹۰ فایز کوپه‌یشی گه شاهدمیز.»
ایتیش کیره‌ک که، بلند منزل‌لر، حمام‌لر و تولیدی ایش‌خانه‌لرده تاش کومیر و یانغین ماده‌لر نینگ نظیری کوریلمه‌گن درجه‌ده قوللنیشی، کابل ده هوا افلاس‌لیگی و اولیم میزانی نینگ کوپه‌یشی گه سبب بولگن.