طبیعی آفتلرنی باشقریش ملی ادارهسینینگ اعلام قیلیشیچه، افغانستان ولایتلریدن قطاریده یوز بیرگن کوچلی یاغینگرچیلیکلر، سوو تاشقینلر، بوران و چقماق نتیجهسیده، ۱۴ کیشی اولیب و باشقه ۱۷ کیشی یرهلنگن.
اوشبو اداره بوگون (۱۱-حمل، سهشنبه)، بیر بیانیه آرقهلی، مذکور کیشیلرنینگ اوتگن ۲۴ ساعت جریانیده، طبیعی واقعهلر طفیلی اولیب و یرهلنگنینی یازگن.
مذکور بیانیه اساسیده، اوتگن بیر کیچهوکوندوزده سوو تاشقینلر یوز بیرگنی عاقبتیده، ۴۷۶ یشش اوی بوتونلی و قسمی شکلده بوزیلگن.
شونینگدیک ۶۰۳ عایله، ۱ مینگ ۴۲۳ جریب ایکینچیلیک ییر، ۱۶ دکان و ۲۳ سوو ییتکزیش ترماغی و قودوق هم زیان کورگن. طبیعی آفتلرنی باشقریش ملی ادارهسیگه کوره، بو رقملر دستلبکی بولیب و اوزگریشی ممکن.
اوتگن کونی بو اداره سوزلاوچیسی یوسف حماد، اوتگن تورت کونده یوز بیرگن سوو تاشقینلر نتیجهسیده، ۲۸ کیشی اولگنی و ۴۹ کیشی یرهلنگنینی ایتگن ایدی.
سونگی کونلرده، افغانستان ولایتلریدن قطاریده کوچلی یاغینگرچیلیکلر و سوو تاشقینلر یوز بیریب و اهالیگه کوپینچه جانی و مالی زیانلرنی ییتیشتیرگن.
