دایکندی ده اوغیل ییگیت‌لردن قطاری، نامزد‌لیک و توی قیلیش خره‌جتی نینگ یوقاری‌لیگیدن شکایت قیلیب و ایتیش‌لریچه، ییل‌ده یوزلرچه یاش ییگیت توی مصرف‌لری نی تاپیش خصوصیده، قوشنی مملکت‌لر گه ایشلاوچی‌لیک اوچون مهاجرت قیله‌دیلر.
دایکندی یشاوچیلریدن بیری سیف‌الله رضایی نینگ ایتیشیچه، مذکور ولایت‌ده توی قیلیش خره‌جتی ۷۰۰دن ۸۰۰ مینگ افغانی بوله‌دی که، توی قیله‌دیگن ییگیتلر اوشبو خره‌جت نی تاپیش خصوصیده قوشنی مملکت‌لر گه مهاجرت قیلیش اوچون مجبورلر.
بیزلرنینگ فیسبوک صحیفه‌میزگه باش اورینگ!
سیف‌الله رضایی نینگ ایتیشیچه: «توی قیلیش، بیر اصل دیر که، هر بیر کیشی و هر بیر انسان اوز حیاتی نی توزتیش اوچون توی قیلیب و عایله تشکیل بیره‌دی؛ بیراق قیغو بیلن افغانستان ده، بو رقم بیر وضعیتده قیز نینگ آته و آنه‌سی گه پول توللش گه کوچی‌میز ییتیشمه‌یدی.»
دایکندی یشاوچیلریدن باشقه بیری علی میرزایی نینگ ایتیشیچه: «حاضرگی وضعیتده برچه اهالی محتاج دیر. موسسه‌لر نینگ یاردم‌لری گه محتاج دیر. بو رقم بیر وضعیتده بیر ییگیت قنده‌ی قلین نی تیار قیلسین. یالغیز تویانه ایمس، بلکیم توی مصرف‌لری نی تایپیش هم کوپ قیین دیر.»
ییگیتلر نینگ قلین توللش گه مجبور بولگنی، قیز و اوغیل ییگیت‌لردن قطاری نینگ مناسب یاشی‌ده و ایسته‌گنی کیشی بیلن توی قیله آلمه‌یشی گه سبب بولگن.
شونده‌ی بیرحالده، دایکندی عیال حقوق فعال‌لریدن قطاری اوغیل ییگیت عایله‌لریدن قلین آلیش نی قاره‌لب و ایتیش‌لریچه، قیزلر نینگ پول و سرمایه قرشی تباله بولیشی، قیز نینگ ساتیش معناسی گه دیر.
بیزلرنینگ توییترده هم تعقیب قیلینگ!
دایکندی عیال حقوقی فعال‌لریدن رقیه راسخ نینگ سلام‌وطندار گه ایتیشیچه: «عایله‌لردن کوپ قطاری نینگ اقتصادی وضعیتی یخشی ایمس و انه شوو سبب، وقتی‌ده فرزند‌لری نینگ تویی نی قیله آلمه‌یدیلر. شو رقم ییگیت‌لردن کوپ قطاری نینگ یاشی ستندرد یاش‌دن اوته‌دی.»
باشقه بیر تامان‌دن، دایکندی‌ده دین عالم‌لردن سید حبیب‌الله اکبری نینگ ایتیشیچه، سووت‌حقی، مهر حاضر، قلین یا-ده باشقه هر اسم آستیده‌گی آلینه‌دیگن پول، حقیقت‌ده قیز گه قیمت قوییش دیر که، شرعی نقطه نظردن توغری ایمس.
عین حالده، نیچه مدت آلدین حج و اوقاف وزیرلیگی عایله‌لر نینگ قلین آلیش‌دن توسیق قیلگن دیر؛ بیراق اوشبو بویروغ کوپراق توصیه‌لی جنبه‌سی بولیب و حاضرگچه، مملکت بویلب مینگ‌لرچه یاش ییگیت نینگ تویی خصوصیده بیر قیین‌چیلیک دیر.
