دایکندی ساغلیق‌نی سقلش مسئوللری نینگ ایتیشلریچه، قورغاقچیلیک و کمبغل‌لیک سبب، ۱۴۰۰_ییل گه نسبتن ۱۴۰۱_ییل ده اوشبو ولایت ده باله‌لر نینگ توییب آوقاتلنمسلیگی، ۵۳ فایز کوپه‌یگن.
دایکندی ساغلیق‌نی سقلش ریاستی نینگ آوقاتله‌نیش بولیمی عمومی مدیری و مطبوعات مسئولی زین‌الله تیموری نینگ سلام‌وطندار گه ایتیشیچه: «۱۴۰۰_ییل ده ۱۶ مینگ ۹۵۱ باله توییب آوقاتلنمسلیککه چلینگن ایدی و ۱۴۰۱_ییل ده ۳۶ مینگ ۳۴۶ باله توییب آوقاتلنمسلیککه چلینگن که ۵۳ فایز کوپه‌یشنی کورسته‌دی؛ سببی هم کمبغل‌لیک، قورغاقچیلیک و آگاهی‌سیزلیک دیر.»
بیزلرنینگ فیسبوک صحیفه‌میزگه باش اورینگ!
جناب تیموری گه کوره، دایکندی ولایتی بویلب ۱۴۱ ساغلیک مرکز ده ساغلیک تیم‌لری و باشقه نیچه مؤسسه، مصلحت بیریش و تویب آوقاتلنمسلیککه چلینگنلرنی درمانلش بیلن مصروف دیر.
دایکندی ساغلیق‌نی سقلش مسئوللری، اوشبو کسللیککه چلینگن باله‌لرنی درمانلش اوچون انسان پرورلیک یاردم‌لر کوپه‌یتیریلیشی و باله‌لر نینگ توییب آوقاتلنمسلیککه قرشی کوره‌ش بولیمیده، بودجه اجره‌تیلیشی کیره‌ک دیدیلر.
عین‌حالده، دایکندی ولایتی اوزاق تومن‌لری یشاوچیلریدن قطاری، مذکور ولایت نینگ ساغلیق‌نی سقلش ریاستی دن، اوشبو تومن‌لرده توییب آوقاتلنمسلیککه چلینگن باله‌لرنی درمانلش اوچون امکانیت یره‌تیشینی سوره‌یدیلر.
دایکندی ولایتی کسلخانه‌سیده، توییب آوقاتلنمسلیککه چلینگن کیچیک یاشلی باله‌سی بستر بولگن شهرستان تومنی یشاوچیسی، حیدر نینگ ایتیشیچه: «اوللری جوده هم ضعیف ایدی، حاضر توییب آوقاتلنمسلیک بولیمیده بستر، احوالی شکر یخشی دیر. دولت دن تومن‌لریمیزده فرزندلریمیزنی دوالش اوچون امکانیت یره‌تیب و بیر کیلینیک قوریشینی ایسته‌یمیز.»
بیزلرنینگ توییترده هم تعقیب قیلینگ!
شفاکارلر کمبغل‌لیک، آگاهی‌سیزلیک، قاچقینچیلیک و یخشی توییب آوقاتلنمسلیک‌نی، دایکندی ولایتی ده باله‌لر نینگ توییب آوقاتلنمسلیککه چلینیش یگانه عاملی عنوان قیله‌دیلر.
ایتیش کیره‌ک که، اسلام امیرلیگی حاکمیتیدن کیین، اولکه بویلب قشاق‌لر سانی کوپه‌یب و توییب آوقاتلنمسلیککه چلینگنلر سانی آشیشی گه سبب بولگن.
