قیش موسومی ایکینچی هفته‌سی باشله‌نیشی بیلن، دایکندی یشاوچیلری اوشبو ولایت نینگ قتناو یوللری یاپیلیشیدن خواطر بیلدیرماقده‌لر.
دایکندی یشاوچیلریدن بیرقطاری نینگ ایتیشلریچه، مذکور ولایت نینگ قتناو یوللری یاپیلیشی بیلن ییگولیک ماده‌لر نرخی آشیب و اهالی نینگ طبی امکانیت‌لردن فایده‌لنیش‌لری محدود بوله‌دی.
اولر گه کوره، ایریم پیت‌لر کسل‌لری ساغلیک مرکزلر گه ییتیشه آلمسلیگی باعث یولگه جان بیرگن.
دایکندی ولایتی میرامور تومنی یشاوچیلریدن آصف هنایش نینگ ایتیشیچه، قار یاققن پیتده قتناو یوللر بیر هفته یا ده ایکی هفته یاپیلیب و اهالی طبی امکانیت‌لردن فایده‌لنه آلمسلیککه سبب بوله‌دی.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «ایریم پیت‌لر کسل‌لریمیز کسلخانه گه ییتیشه آلمسلیگی اوچون یولگه جان بیرگن. حامله عیاللر کوتل‌لرده نیچه کیچه_کوندوز قالیب و کوپ وقت‌لری چقه‌لاق‌لری وفات ایتگن.»
دایکندی یولیده‌گی هیداوچیلردن بیرقطاری و اوشبو ولایت ترانسپورت شرکت‌لر مسئولی، مذکور ولایت نینگ قتناو یوللری احتمالی یاپیلیشیدن خواطر بیلدیریب ایتیشیچه، بوتوغریده دقت قیلینمه‌گن تقدیرده، قیش موسومی ده اهالی قیینچیلیک بیلن دوچ بولیش‌لری ممکن.
دایکندی سنگ‌تخت‌وبندر تومنی هیداوچیسی و یشاوچیلریدن بیری حبیب افضلی گه کوره، سنگ‌تخت‌وبندرتومنی باشقه تومن‌لر گه نسبتن ساووق و ولایت مرکزی دن اوزاق ده دیر. قیینچیلیک کوپ، سنگ‌تخت اهالیسی قیش موسوم‌لریده ایریم قیینچیلیکلر بیلن دوچ بولیشه‌دی.
دایکندی ترانسپورت شرکت‌لردن بیری نینگ نماینده‌سی چراغ‌علی سخنور گه کوره: «بیز حکومت رسمی‌لری و مسئوللردن، اهالی نینگ قیینچیلیگی اینیقسه یوللر یاپیلیشی خصوصیده دقت قیلیش‌لرینی ایسته‌یمیز؛ یاغینچیلیک بولسه، کوتل‌لرده قارنی تازه‌لش ماشین‌لری تیار بولسه. یوللر یاپیلمسلیگینی ایسته‌یمیز.»
سخنور نینگ کوپه‌یتیریشیچه، یوللر یاپیلیشی ییگولیک ماده‌لر نرخی آشیشی گه سبب بوله‌دی. کسل‌لیگیمیز کبی، اهالی گه یاقیلغی ماده و تیل ییتیشمسه، اهالی قیینچیلیککه قاله‌دی.
دایکندی عامه منفعت ریاستی، اوشبو ولایتده قیش موسومی ده هیچ بیر قتناو یول یاپیلمسلیگیدن ایشانچ بیلدیره‌دی.
بیزلرنینگ توییترده هم تعقیب قیلینگ!
مذکور ریاست اورین باسری احمدشاه احسانی نینگ سلام‌وطندار گه ایتیشیچه، دایکندی بویلب ۳۲۸ کیلومتر سرک تازه‌لش‌نی خصوصی بیر کمپنیه بیلن قرارداد قیلماقده میز، اونگه اساس تومن‌لر و دایکندی مرکزی نینگ قتناو یوللری تازه لنه‌دی.
اونینگ کوپه‌یتیریشیچه: «قوناق، سیابوغندی و خدیر کوتل‌لری ۵۹ کیلومتر اوزون‌لیگیده، عامه منفعت ریاستی نینگ ماشینری تامانیدن تازه لنه‌دی.»
دایکندی، افغانستان نینگ مرکزی، ساووق و تاغلی ولایت‌لریدن سنله‌دی، قیش موسومی ده قار یاغیشی باعث ولایت مرکزی و تومن‌لری ارا قتناو یوللری یاپیله‌دی.
