مملکت ده حربی و سیاسی اوزگریش و دایکندی ولایتی ده ترقیاتی پروژهلر ایشی توختهتیلیشیدن کیین، اوشبو ولایت یشاوچیلری نینگ فرهنگی و آست قورمه ایشلر گه قیزیقیشلری سیزیلرلی درجه ده آشگن. دایکندی یشاوچیلریدن بیرقطاری نینگ ایتیشلریچه، سونگی ییللرده مذکور ولایت ده نیچه مهم پروژه ایشینی بیتتیریب و باشقه اونلب پروژه ایشینی باشلش گه اولگورگنلر.
دایکندی ولایتی شهرستان تومنی یشاوچیسی سخی سعادت نینگ سلاموطندار گه ایتیشیچه، مذکور تومن نینگ «چهاراسپان» قیشلاغی یشاوچیلری، ۵.۵ میلیون افغانیلیک بیر کسلخانه ایشینی بیتتیریب وفایدهلنیشگه تاپشیرگنلر. اونگه کوره، ستندرد ساغلیک مرکزلر یوقلیگی و دایکندی یشاوچیلری نینگ قیینچیلیکلری برابری ده حکومت نینگ بیفرقلیگی باعث، یشاوچیلر اوزلری بوندهی بنیادی ایشلرنی قیلماقدهلر. جناب سعادت نینگ کوپهیتیریشیچه: «اوشبو کسلخانه دن، غیبی، بندبرلان و چهاراسپان قیشلاقلری اهالیسی فایدهلنهدیلر.»
بیزلرنینگ فیسبوک صحیفهمیزگه باش اورینگ!
باشقه تاماندن، دایکندی فرهنگیلریدن بولمیش خدابخش محمدینژاد گه کوره، اوتگن ییلی کوکلم موسومی ده یاشلر و فرهنگیلر نینگ یاردمی بیلن، مذکور ولایت نینگ سنگتخت و بندر تومنی ده «خاتمالنبین» آتیده بیر کتابخانهنی ایجاد ایتیشگن. شونینگدیک او، دایکندی ده ستندرد کتابخانه یوقلیگی، اینترنت و باشقه محرومیتلیکلرنی، اوقیش دن محروم ایتیلگن قیزلر و سنگتخت و بندر تومنیده مطالعه فرهنگینی رواجلنتیریش اوچون اوشبو کتابخانه نینگ ایجاد ایتیلیش یگانه عاملی عنوان قیلهدی.
خدابخش محمدینژاد نینگ کوپهیتیریشیچه: «اوتگن ییلی کوکلم موسومی ده کتاب ییغیش کمپاینینی باشلهدیک، ییتی آی دن کیین کابل، هرات، مزارشریف و بامیان ولایتلریدن تورلی عنوانلرده ییتی مینگ دن آرتیق کتاب ییغدیک. مذکور کتابخانه ایجاد ایتیلیشی بیلن، یشاوچیلر نینگ کتاب لحاظ دن قیینچیلیکلری بیر آز حل بولگن.»
شونینگدیک، دایکندی ولایتی میرامور تومنی «نالیجبرگر» قیشلاغی یشاوچیسی علیجان فکوری گه کوره، ینگیلیکده اوشبو قیشلاق اهالیسی نالیجبرگر ییگیتلر اورته مکتبی بناسینی شخصی پوللریدن قوریش قرارینی آلگنلر، قوریش ایشی ۲۰ فایز آلغه بارگن. او نینگ ایتیشیچه: «اوشبو مکتب بناسیز ایدی و اوقووچیلری ایسیق و ساووق هوا ده اوقیش بیلن مصروف ایدیلر. مذکور مکتب نینگ قوریش ایشی اوتگن ییل میزان آیی ده باشلندی حاضرگچه ۲۰ فایز ایشی آلغه بارگن. بو مکتب ۱۶ درسلیک صنف و اداری باشقه نیچه اتاق و ایکی قووت ده قوریلیشی کوتیلهدی.»
بیزلرنینگ توییترده هم تعقیب قیلینگ!
عینحالده، دایکندی محلی مسئوللری، اوشبو ولایت یشاوچیلری نینگ آست قورمه پروژهلر و منطقهلرینی آبادانلشتیریش اوچون قیزیقیشلری سیزیلرلی درجه ده آشگنینی تصدیقلهیدیلر. دایکندی معلومات و مدنیت باشلیغی سیدمصطفا صالح گه کوره، سونگی ایکی ییل ایچیده نیچه مهم پرژه ایشی یکونلهنیشی گه قوشیمچه، باشقه نیچه مردمی پروژه ایشی دوام ایتماقده دیر.
ایتیش کیرهک که، اسلام امیرلیگی حاکمیتیدن کیین، دایکندی ده قریب بیر میلیارد افغانیلیک اونلب ترقیاتی پروژهلر نینگ ایشی توختهتیلگن.