دایکندی ده «نسیم» محلی رادیوسی بیش آی آلدین سرپرست حکومت تامانیدن یاپیلگندی، بوگون (شنبه، ۱۲-حوت) اېشتّیریشنی قیته باشله‌گن.
دایکندی معلومات و مدنیت باشلیغی سیدمصطفا صالح نینگ سلام‌وطندار گه ایتیشیچه، نسیم رادیوسی معلومات و مدنیت وزیرلیگی همده دایکندی محلی مسئوللری نینگ قراری اساسیده، بوگون قیته دن اېشیتّیریشنی باشله‌گن.
بیزلرنینگ فیسبوک صحیفه‌میزگه باش اورینگ!
دایکندی معلومات و مدنیت باشلیغی نینگ کوپه‌یتیریشیچه، اوشبو رادیو اسلام امیرلیگی نینگ قاعده‌لرینی نیچه مراتبه رعایت قیلمسلیک و ناقانونی نشراتی اوچون، اوشبو ییل بیش میزان ده دایکندی معلومات و مدنیت ریاستی و خوفسیزلیک نهادلر نینگ همکارلیگی بیلن یاپیلگندی.
سیدمصطفا صالح گه کوره، مذکور یېتکرمه نینگ سابق مسئولی تېزیم گه قرشی ریکلام قیلیش و تشقی یېتکرمه‌لر بیلن همکارلیک قیلیشی باعث بیر ییل قماق جزاسی‌گه محکوم بولیب و حاضر تورمه‌خانه ده دیر.
بیزلرنینگ «ایکس» ترماغی ده هم تعقیب قیلینگ!
عین‌حالده، نسیم رادیوسی سرپرستی سیف‌الله رضایی سلام‌وطندار بیلن اۉتکزگن صحبتیده اوشبو خبرنی تصدیقلب ایتیشیچه، مذکور رادیو بوگون مسئوللر تامانیدن آچیلیب و اېشیتّیریش گه باشله‌گن.
رضایی نینگ کوپه‌یتیریشیچه، بو رادیو افغانستان حاضرگی قاعده‌لری اساسیده اېشیتّیریش گه دوام بیره‌دی.
نسیم رادیوسی اوشبو ییل بیش میزان، دایکندی محلی مسئوللری تامانیدن یاپیلگن اېدی.