بلخ ولایتیده قریب اوچ آی آلدین اقتصادی قیینچیلیکلر سبب فعالیتی نی توختهتگن «نهاد» محلی رادیوسی، بوگون فعالیتی نی قیته باشلهگن.
نهاد رادیوسی نینگ نشراتی مسئولی سیدمحمد یزدانپرست نینگ سلاموطندار گه ایتیشیچه، نهاد رادیوسی بوگون (یکشنبه، ۲۳-میزان)، فعالیتی نی قیته باشلهگن.
بیزلرنینگ فیسبوک صحیفهمیزگه باش اورینگ!
یزدانپرست گه کوره، نهاد رادیوسی حاضر ایسه بیش عیال شامل ۱۰ کیشی بیلن فعالیت گه باشلهگن که، بیر کیچه و کوندوز نیچه ساعتلیک برنامه ترقهتیشی ممکن.
نهاد رادیوسی نینگ نشراتی مسئولی، اوشبو رادیو فعالیتی نینگ کیلهجگی خصوصیده خواطر بیلدیریب ایتیشیچه، حاضرگچه اقتصادی قیینچیلیکلر، برق بهاسی یوقاریلیگی و منظم ملی طرح یوقلیگی، مذکور میدیا نینگ کیلهجگی نی تهدید قیلهدی.
شوندهی بیرحالده، مملکت شمالیده افغان خبرچیلر مصونیت کمیتهسی، نهاد محلی رادیوسی نینگ قیته فعالیت گه باشلهگنیدن خورسندلیک بیلدیریب، میدیالردن حمایت قیلیش اوچون تلاش و همکارلیک خصوصیده سوز بیرگن.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، بلخ ولایتی معلومات و مدنیت ریاستی نینگ معلومات بولیمی آمری عطامحمد ساهو، نهاد رادیوسی نینگ قدیمی و اونملی رادیولردن دیب، محلی میدیالر و خبرچیلردن حمایت قیلینیش خصوصیده سوز بیرگن.
نهاد محلی رادیوسی قریب ۱۶ ییل آلدین بلخ ولایتیده فعالیت گه باشلهب و بو مدتدن کیین، قریبد اوچ آی آلدین اقتصادی قیینچیلیک و حمایتی برنامهلر یوقلیگی سبب، فعالیتی نی توختهتگن ایدی.