اسلام امیرلیگی سوزلاوچیسی ذبیح‌الله مجاهد، بیرلشگن ملت‌لر تشکیلاتی عالی کمیشنری سوزلاوچیسی و غربی مملکت‌لر ایلچیلری نینگ، اهالی حضوریده دُره اوریلیشنی شفقت‌سیزلیک و انسانیت گه قرشی دیگن سوزلرینی قاره‌لگن.
جناب مجاهد، جمعه کیچه قیچ قورون توییتر صحیفه‌سیده یازگن که، دُره اوریلیش اسلام دینی نینگ جزایی قانون‌لریدن دیر و بو گَل ایشلرنی قاره‌لش اسلام دینی گه حرمت سیزلیک دیر.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی یازگن که: «افغانستان اسلام امیرلیگی بیرلشگن ملت‌لر تشکیلاتی نینگ عالی کمیشنری سوزلاوچیسی و باشقه بیر قطار غربی مملکت‌لر نماینده‌لری نینگ اسلام دینی نینگ جزایی قانونی تطبیقی گه تیگیشلی بیاناتی اینیقسه دُره‌لنیش نی ظالمانه و شفقت‌سیزلیک دیگنلری نی قاره‌لب و اولر نی اسلام دینی گه حرمت‌سیزلیک و خلق‌ارا قاعده-قانون گه قرشی عنوان قیله‌دی.»
ذبیح‌الله مجاهد کوپه‌یتیرگن که، تشکیلات‌لر و مملکت‌لر اسلام دینی حقیده «مغرض» کیشی‌لر تامانیدن «مسئولانه بولمه‌گن» بیانات نی مطرح قیلیش خصوصیده رخصت بیرمه‌یشلری کیره‌ک.
ایتش کیره‌ک که، لوگر نینگ استیناف محکمه‌سی اوتگن هفته ۲-قوس، اوغیرلاوچیلیک، اخلاقی فساد و نامشروع رابطه گه عیب‌لنگن اوچ عیال شامل ۱۷ کیشی نی قولگه آلیب و اهالی برابریده دُره اورگنلر.
بیزلرنینگ توییترده هم تعقیب قیلینگ!
مذکور بیر قطار ایرکک و عیال، لوگر مرکزی پل‌علم شهری نینگ فوتبال سپورت میدانی‌ده مینگ‌لرچه کیشی نینگ حضوریده ۲۱ الی ۳۹ دُره اوریلگنلر. لوگر محلی مسئوللری نینگ ایتیش‌لریچه، اوشبو ایش‌دن مقصد شریعت حکمی نی اجرا قیلیش و باشقه‌لر گه عبرت بولیش دیر.
ایتیش کیره‌ک که، شونینگدیک اسلام امیرلیگی بامیان، تخار و مملکت نینگ بیر قطار ولایت‌لریده بیر قطار عیال و ایرکک نی اوغیرلیک و اخلاقی فساد گه عیب‌لب، اهالی برابریده دُره اورگن دیر.
