پرتگال فوتبال یولدوزی کریستیانو رونالدو، سعودی عربستانده ایکینچی مرته «آلتین بوت» صاحبی بولدی.
سعودی عربستان فوتبالیده اوتگن موسومنینگ اېنگ یخشی توپ اورهری دیب تن آلینگن «النصر» کلوبی یولدوزی کریستیانو رونالدو، ېنه بیر بار یوکسک ساورینگه ایگه چیقدی.
پرتگاللیک هجومچی ۲۰۲۴/۲۰۲۵-ییلگی موسوم اوچون «آلتین بوت»نی قولگه کیریتدی.
معلوماتلر گه کوره، النصر کلوبی سرداریگه مکافاتنی اوشبو کلوب افسانهسی، تاریخدهگی اېنگ کوپ گل اورگن فوتبالچی مجید عبدالله شخصاً تاپشیردی. بو اېسه مراسمگه ېنهده اوزیگه خاص اهمیت بغیشلهدی.
آلتین بوت، ۱۴۰۴-ییل، ۲۳-سنبله، یکشنبه کونی رونالدو گه بیریلدی.
