سعودی عربستانده «النصر کلوبی»نینگ مشهور هجومچیسی، پرتگالنینگ فوتبال بوییچه افسانهوی یولدوزی کریستیانو رونالدو ېنه بیر بار عامه اعتباریگه توشدی – او بو سفر آته صفتیدهگی ایشانچکارلیگی بیلن.
رونالدو ۱۵ یاشلی اوغلی، کیچیک کریستیانو رونالدو جونیور گه قیمتبها «لامبورگینی» موترینی ساوغه قیلدی.
جونیور، آتهسی تامانیدن ساوغه قیلینگن موتر یانیدهگی صورتینی اجتماعی ترماقده اورتاقلشگن.
معلوماتلر گه کوره، موترنینگ بهاسی ۳۰۰ مینگ دالر اطرافیده بولیب دنیادهگی اېنگ تیزکار و لوکس موترلردن حسابلنهدی.
بو ساوغه نهفقط مادی جهتدن بلکی رمزی اهمیت گه هم ایگه – کریستیانو رونالدو اوغلینینگ اوسیب کېلهیاتگن استعدادی و اېلک موفقیتلرینی تن آلگنینی افادهلهیدی.
ایسلهتیب اوتیش جایز، کیچیک رونالدو یقینده پرتگالنینگ ۱۶-یاشنی تولدیرمهگن تیرمه جماعهسیده ولز گه قرشی اویینده گل اوروش گه اولگوردی. اونینگ اویینی کوپلب مربیلر و مخلصلر تامانیدن یوقاری بهالنگن.
عیندمده، یاش رونالدو آتهسینینگ ایزیدن باریب، فوتبال بوییچه اۉز نامی بیلن تاریخ یازیشنی آرزو قیلماقده.
لامبورگینی موتری اېسه گویا اونینگ بو یولدهگی اېلک کتته مکافاتی و ینگی باسقیچ گه قدم تشلش رمزی گه ایلنگن.
