گوشت دنیاده اېنگ کوپ استعمال قیلینهدیگن آقسیل (پروتین) منبعلریدن بیری بولیب قالماقده. بیراق گوشت تورلریگه بولگن طلب مملکتلر کیسیمیده سېزیلرلی فرق قیلهدی.
بیرلشگن ملتلر تشکیلاتینینگ آزیق-آوقت و ایکینچیلیک تشکیلاتی اهالی جان باشیگه گوشت استعمالی اېنگ یوقاری بولگن دولتلر ریتینگینی اعلان قیلدی.
مال گوشتینی استعمال قیلیش بوییچه بیرینچی بیشتهلیکنی ارجنتاین (کیشی باشیگه ۴۶ کیلوگرام)، زمباوی (۴۴.۴)، امریکا (۳۸)، اسرائیل (۳۶.۱) و برازیل (۳۴.۶) ایگللهگن.
مرکزی آسیا دولتلریده اېسه اۉزبېکستان (۳۰.۸ کیلو) ییتکچیلیک قیلماقده، کېینگی اورینلرده تورکمنستان (۲۵.۱)، تاجیکستان ۲۴.۹)، قزاقستان (۲۴.۸) و قرغیزستان (۱۵.۷) تورهدی.
قوی و اېچکی گوشتینینگ بیشته اساسی استعمالچیسی: مغولستان (کیشی باشیگه ۶۸.۵ کیلوگرام)، بحرین (۲۳.۴)، ینگی کالدونیا (۲۱.۹)، تورکمنستان (۲۰.۳) و چاد (۱۹.۰) حسابلنهدی. مرکزی آسیاده ایکینچی اوریننی قرغیزستان (۹.۸۴)، کېینگی اورینلرنی اېسه قزاقستان (۸.۵۱)، تاجیکستان (۷.۷) همده اۉزبېکستان (۴.۸ کیلو) ایگللهگن.
مغولستان باشقه دولتلردن انچه آلدینده – بو اونینگ چاروهدارلیک مدنیتی نتیجهسی دیر. مملکت اقلیمی و اونیمدار ییرلری کملیگی سببلی دهقانچیلیک قیلیش قیین، شو باعث اهالینینگ اساسی آوقتی تاریخاً گوشت بولیب کیلگن.
