بوگون (یکشنبه، ۲۸- جدی) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۱ مینگ و ۵۸۴ واقعه تیکشیریلگن، کیم بولردن ۸۱ ته‌سی ایجابی انیق‌لنگن.
ساغلیک وزیرلیگی نینگ گزارشی گه کوره، اوتگن بیر کیچه‌وکوندوز ده کرونا گه چلینگن ۴ کسل جان بیرگن و شونینگدیک ۴۰۳ کسل دارولنگن.
ساغلیک وزیرلیگی نینگ معلوماتی اساسیده، مملکتده حاضرگچه ۵۴ مینگ و ۶۲ کیشی کرونا ویروس گه چلینگن، کیم بولردن ۲ مینگ و ۳۴۳ ته‌سی جان بیرگن و باشقه ۴۵ مینگ ۸۶۸ ته‌سی ایسه قیته دارولنگن.
ساغلیک وزیرلیگی گه کوره، مملکتده حاضرگچه کرونا ویروس گه شبهه‌لی ۲۲۶ مینگ و ۲۵۶ واقعه تیکشیریلگن.
دنیا ده حاضرگه‌قدر ۹۵ میلیون و ۷ مینگ دن آرتیق کیشی کروناگه چلینگن کیم بولردن ۲ میلیون و ۳۲ مینگ دن آرتیغی جان بیرگن و ۶۷ میلیون و ۸۲۶ مینگ دن آرتیغی ایسه دارولنگن.
کرونا ویروسی نینگ کوپینچه ایجابی واقعه‌لری آمریکا، هند، برزیل، انگلستان و روسیه مملکت‌لریده قید ایتیلگن.
