ساغلیک وزیرلیگی مسئوللری نینگ ایتیش‌لریچه، بیرینچی باسقیچ ده مملکت یشاوچیلریدن ۲۰ فایزی گه کرونا واکسینی تطبیق ایتیله‌دی.
بوگون (پنجشنبه ۲۳- دلو) ساغلیک وزیرلیگی سرپرستی وحید مجروح کابل ده خبری بیر ییغین اوتکزیب ایتیشیچه، هند مملکتی تامانیدن یاردم بیریلگن ۵۰۰ مینگ دوز کرونا واکسینی‌دن بیرینچی باسقیچ ده ساغلیک ایشلاوچی‌لری و کیین ایسه امنیتی کوچلر و اوچینچی باسقیچ ده خبرچیلر واکسین تطبیق ایتیله‌دیگن بیرینچی کیشی‌لردن دیر.
اونگه کوره، ایکینچی و اوچینچی باسقیچ ده سابقه کسللیگی بار کیشیلر، مکتب اوقووچی‌لری و اوقیتوچی‌لری و بیلیم یورت طلبه‌لری و استادلری کرونا واکسینی قولگه کیلتیره‌دی.
جناب مجروح نینگ کوپه‌یتیریشیچه، ییغینلر تشکیل بیره‌دیگن ایچکی بدرغه‌لر و کوچی‌لر کرونا واکسینی قولگه کیلتیره‌دیگن مملکت نینگ ۲۰ فایز یشاوچیسی گه شامل دیر. ساغلیک وزیرلیگی سرپرستی نینگ ایتیشیچه، دنیا ساغلیک تشکیلاتی نینگ تکلیفی اساسیده، افغانستان ده کرونا ویروسی ۱۸ یاشدن یوقاری کیشیلرگه تطبیق ایتیله‌دی.
کرونا واکسینی مملکت یشاوچیلریدن ۲۰ فایزی گه کونده‌لیک و هفته‌لیک تطبیق ایتیلیشی ممکن.
مجروح نینگ ایتیشیچه، حاضر ۱۶ میلیون دوز کرونا واکسینی مملکت یشاوچیلریدن ۲۰ فایزی اوچون نظر گه آلینگن و اونینگ خره‌جتی واکسین دنیا بیرلشیگی تامانیدن توللنه‌دی.
ساغلیک وزیرلیگی سرپرستی نینگ ایتیشیچه، واکسین ایشلب چیقاره‌دیگن مملکتلر واکسین نی ساتیش اوچون تیارگرلیک کورستگن بیرحالده، افغانستان دولتی دنیا بانکی نینگ همکارلیگی بیلن اونینگ ساتیب آلیش گه کوچی ییتیشه‌دی و ساغلیک بولیمی ۱۵ کون جریانیده مملکت یشاوچیلریدن ۶۰ فایزی گه تطبیق قیله آله‌دی.
