ساغلیق‌نی سقلش وزیرلیگی مسوول‌لری، سابق‌لرده قرهگنده سونگی آی‌ده کرونا ویروسی‌گه چلینگن‌لرنینگ سانی ۷۰% کوپه‌یگنیدن خبر بیرگن.
ساغلیق‌نی سقلش وزیرلیگی سوزلاوچیسی نینگ اورین باسری میرویس علی‌زی نینگ سلام‌وطندارگه ایتیشیچه، اوتگن آی‌لرده کرونا ویروسی‌گه شبهه‌لی ۱۵۰۰ دن باشلب ۱۷۰۰ کیشی دن آلینگن نمونه‌لر جمله‌سیدن ۲۰ یا-ده ۳۰ ته‌سی نینگ نتیجه‌سی ایجابی اثبات‌لنه‌ریدی، بیراق سونگی بیر آی جریانیده کرونا ویروسی‌گه شبهه‌لی ۱۷۰۰ کیشی دن آلینگن نمونه‌لر جمله‌سیدن ۸۰ دن باشلب ۱۳۰ ته‌سی نینگ نتیجه‌سی ایجابی تانیله‌دی.
جناب علی‌زی نینگ کوپه‌یتیریشیچه، مملکت یشاوچی‌لری نینگ ایران و پاکستان‌گه سفر قیلیش‌لری و ساغلیک توصیه‌لرگه دقت قیلمه‌یش‌لری سبب، کرونا ویروسی رقمی کوپه‌یگن.
اونینگ آگاه‌لنتیریشیچه، یشاوچی‌لر ساغلیک توصیه‌لرگه دقت قیلمه‌گن صورتده، کرونا ویروسی‌گه چلینگن‌لر و قربان بولگن‌لرنینگ سانی کوپه‌یشی ممکن.
عین‌حالده، یشاوچی‌لردن بیرقطاری نینگ ساغلیک توصیه‌لر رعایت قیلینمه‌یشیدن خواطر بیلدیریب ایتیش‌لریچه، کرونا ویروسی کوپه‌یشی‌گه توسیق بولیش اوچون ساغلیق‌نی سقلش وزیرلیگی تامانیدن معلومات بیریش پیام‌لرنینگ کوپه‌یتیریلیشی کیره‌ک.
ساغلیق‌نی سقلش وزیرلیگی‌گه کوره، کون اوتیش بیلن کرونا ویروسی‌گه چلینگن‌لر نینگ سانی کوپه‌یب بارماقده.