ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت بوییچه کرونا ویروسی‌گه چلینگنلردن ۱۳ ته‌سی دنیا دن اوتگن.
بوگون “جمعه” ساغلیق‌نی سقلش وزیرلیگی نینگ بیر گزارش آرقه‌لی ایتیشیچه، اوتگن بیر کیچه و کندوز ده کرونا ویروسی‌گه شبهه‌لی ۲ مینگ و ۲۷۵ کیشی‌دن آلینگن نمونه‌لر سیناودن اوتکزیلگن و بو جمله‌دن ۱۷۰ ته‌سی نینگ نتیجه‌سی ایجابی تانیلگن.
اوشبو وزارت مسووللری نینگ ایتیش‌لریچه، کرونا ویروسیدن ینگی ایجابی واقعه‌لر کابل، هرات، کندهار، بلخ، ننگرهار، تخار، پکتیا، بغلان، کندز، پروان، نیمروز، غزنی، لوگر، بدخشان، میدان‌وردک، هلمند، لغمان، کنر، خوست، زابل و پکتیکا ولایتلریده قید ایتیلگن.
اوشبو وزارت تامانیدن نشر قیلینگن گزارش‌گه کوره، انه‌شو مدتده کرونا ویروسی‌گه چلینگنلردن ۹۶ ته‌سی درمانلنگن.
ساغلیق‌نی سقلش وزیرلیگی تامانیدن بیریلگن آمارلرگه کوره، مملکتده کرونا ویروسی چیقگنیدن حاضرگه‌قدر ۵۱ مینگ و ۷۶۴ کیشی بو ویروس‌گه چلینگن و بو جمله‌دن ۲ مینگ و ۱۴۸ ته‌سی دنیا دن اوتیب و باشقه ۴۰ مینگ و ۶۷۸ ته‌سی درمانلنگن دیر.
