افغانستان فوتسال ملی تیرمه جماعه‌سی، کانتیننتال کپی بیرینچی اویینیده گواتمالا بیلن قرشی لشه‌دی.
افغانستان فوتبال فدراسیونی ۱۴۰۳-ییل، ۱۲-سنبله، دوشنبه کونی فیسبوک صحیفه‌سیده بیر خبر ترقه‌‌تیب مملکت فوتسال ملی تیرمه جماعه‌سی کانتیننتال کپی مسابقه‌لریده، افغانستان وقتی بیلن بوگون توشدن سۉنگ ساعت ۲:۰۰ ده گواتمالا تیرمه جماعه‌سی بیلن بیلله‌شووینی یازگن.
بیزلرنینگ فیسبوک صحیفه‌میزگه باش اورینگ!
گواتمالا ۱۰-سنبله، شنبه کونی اوشبو مسابقه‌لرده بیرینچی اویینیده ۳-۲ حسابی بیلن کویت گه غلبه قازانیب و اوچ امتیاز نی کسب اېتگن. شونینگدیک تایلند فوتسال ملی تیرمه جماعه‌سی ۸-۰ حسابی بیلن نیوزیلند نی مغلوب قیلگن.
۲۰۲۴-ییل کانتیننتال کپی ده افغانستان، تایلند، گواتمالا، کویت و نیوزیلند تیرمه جماعه‌لری رقابت قیله‌دیلر.
بیزلرنینگ «ایکس» ترماغی ده هم تعقیب قیلینگ!
بو بیلله‌شوولر تایلند میزبان‌لیگی بیلن ۱۴۰۳-ییل، ۱۰ سنبله دن ۱۶ سنبله گه قدر یولگه قوییلیشی اېتیلگن.
افغانستان ملی پوش‌لری کانتیننتال کپی اویین‌لریدن کېین، خلق‌ارا فوتسال کپی اویین‌لری گه اشتراک اېتیش اوچون اۉزبېکستان گه سفر قیلیش‌لری کوتیله‌دی.
