غور قیشلاقلرنی رواجلنتیریش و قیته قوریش ریاستی مسئوللرینینگ ایتیشلریچه، اوشبو ولایت تیوره و دولتیار تومنلریده ایکیته سوو ییتکزیش ترماقنینگ قوریلیش ایشی باشلنگن.
غور قیشلاقلرنی رواجلنتیریش و قیته قوریش ریاستینینگ ییتکرمهلر بولیمی مسئولی ذبیحالله غوثیزادهگه کوره، اوشبو سوو ییتکزیش ترماقلر «داکار» موسسهسینینگ مالی حمایتی بیلن، ۱۶ میلیون ۱۱۳ مینگ افغانی عوضیگه قوریلهدی.
بیزلرنینگ «ایکس» ترماغی ده هم تعقیب قیلینگ!
جناب غوثیزادهنینگ ایتیشیچه: «بو ترماق ۹۰ متر مکعب سوو سیغهدیگن اوچ ذخیره، ۵۲ تخته سولر و ۱۶ مینگ ۴۴۹ متر پیپ دوانلیکدن عبارت بولیب و ۱۹۸ شیردهن قوریش بیلن تازه سوونی قیشلاقلر گه انتقال بیرهدی.»
شونینگدیک غور قیشلاقلرنی رواجلنتیریش و قیته قوریش ریاستی ییتکرمهلر بولیمی مسئولینینگ کوپهیتیریشیچه، مذکور سوو ییتکزیش ترماقلر تیوره تومنینینگ «کجی» قیشلاغی و دولتیار تومنینینگ «همایخان» قیشلاغیده، اهالینینگ ایچیملیک سوودن فایدهلنیشی، حیات کیچیریش و ساغلیق شرایط یخشیلنیشی، اهالینینگ عمومی آگاهیلیک سطحی آشیشی و «جمعیتگه قوشیلیش» مقصد، عملگه آشیریلهدی.
بیزلرنینگ فیسبوک صحیفهمیزگه باش اورینگ!
غور قیشلاقلرنی رواجلنتیریش و قیته قوریش مسئوللریگه کوره، اوشبو لایحهنینگ عملگه آشیریلیشی جریانیده، اونلب کیشیگه ایش زمینهسی یرهتیلیب و اونینگ ایشی یکونلنیشی بیلن، مذکور ایکی تومنده ۶۰۰ دن آرتیق عایله ایچیملیک سوودن فایدهلنهدی.
غور ولایتی تیوره و دولتیار تومنلری یشاوچیلری، مذکور سوو ییتکزیش ترماقلرنینگ قوریلیشیدن خورسندلیک قیلیب، ایچیملیک سوو تامینلنیشی مقصد قیشلاقلرنی رواجلنتیریش و قیته قوریش ریاستی سعیوحرکتلریدن قدردانلیک قیلگنلر.
