بلخ ولایتی محلی مسئوللری، اوشبو ولایتنینگ نهرشاهی تومنیده ۲۰۰ مینگ دالرلیک بیر مکتبنینگ قوریلیش ایشی باشلنگنیدن خبر بیرهدیلر.
بلخ قاچقینلر ریاستی باشلیغی اسدالله وفا گه کوره، بو مکتبنینگ ۱۲ اوقوو صنفی بولیب و بیرلشگن ملتلر تشکیلاتینینگ قاچقینلر ایشلری بوییچه عالی کمیساری مالی یاردمی بیلن نهر شاهی تومنی «افغانی شهرچه»سیده قوریلهدی.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «بو مکتب اطرافیدهگی محل یشاوچیلرینینگ بالهلری شامل ایران و پاکستاندن مملکت گه قیتگن قاچقینلرنینگ بالهلرینی تعلیم بیلن تأمینلش گه سعی-حرکت قیلهیپمیز.»
محلی مسئوللرنینگ ایتیشلریچه، اوشبو مکتب قریب ۷۰۰ متر مربع ییرده قوریلیب و فایدهلنیشگه تاپشیریلیشی بیلن یوزلب اوقووچی تعلیم بیلن تأمینلنهدی.
بیزلرنینگ «ایکس» ترماغی ده هم تعقیب قیلینگ!
بو مکتبنینگ قوریلیش ایشی، ۶-سرطان، جمعه کونی بلخ ولایتی محلی رسمیلرینینگ حضوری بیلن باشلنگن و سکیز آیگچه فایدهلنیشگه تاپشیریلیشی کوتیلهدی.
بلخ ولایتینینگ بعضی اوزاق قیشلاقلریده زمانهوی مکتبلر یوقلیگی، اساسی قیینچیلیکلردن بولیب و اوقووچیلرنی جدی مشکل بیلن دوچ قیلگنی اېتیلهدی.
