ایکّی تیللی شاعر، تورک-اۉزبېک خلقی‌نینگ پارلاق یولدوزی و غزل ملکی‌نینگ سلطانی حضرت امیر علیشېر نوایی تولدی‌نینگ ۵۸۴- ییللیگی و جهان تاریخی و مدنیتی‌نینگ ییریک و سیر قیره شخصیت‌لریدن ظهیرالدین محمدبابر تولدی‌نینگ ۵۴۲- ییللیگیدن، محلی مسئوللر، شاعرلر، یازووچیلر، مدنی فعاللر حضوری بیلن بدخشان‌ده نشانلندی.
اوشبو احتفال ۲۸-دلو، یک‌شنبه کونی بدخشان‌ده اوتکزیلگن.
اۉزبېک فرهنگی و اوشبو احتفال تشکیلاتچیلریدن بیری مسعود تیمور، بو احتفال‌دن مقصد، مملکت‌نینگ تاریخ و فرهنگ ساحه‌سیده اۉزیدن کوپینچه اثرلر قالدیرگن ایکّی بویوک شخصیت‌دن قدرلش دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، امیرعلیشیرنوایی و ظهیرالدین محمدبابر هر بیری مملکت‌ده اۉزبېک تیلی و فرهنگی رواجلنیشی اوچون علیحده حصه قوشیب و اۉزلریدن قیمت‌بها اثرلر قالدیریشگن، شونی اوچون اولر اولگو قرار بیریلیشی کېره‌ک.
عین‌حالده، بدخشان‌ده‌گی شاعرلر و یازووچیلردن بیرقطاری، اۉزبېک خلقی بو ایکّی پارلاق یولدوزی‌نینگ ایشلری گه اشاره قیلیش یانیده، حاضرگی شرایط‌ده بیلیم و فرهنگ اهمیتی گه تأکید اېتگنلر.
بدخشان اۉزبېک شاعر و یازووچیلری‌دن عبدالقدیر کیسکین، ادبیات و شعر جمعیت‌ده فرهنگ و آگاهی‌لیک‌نی آشیریش یگانه اوسکونه سنه‌لیشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اونگه کوره، نوایی و بابر کبی شخصیت‌لر فرهنگ و بیلیم اولگولری اوله‌راق هردایم ایسلنیش‌لری لازم.
شونینگدیک، بدخشان محلی مسئوللری اوشبو مناسبت بیلن اوتکزیلگن احتفال‌ده جمعیت‌ده فرهنگ رواجلنیشی و سقلنیش اهمیتی اوستیگه علیحده تأکید اېتگنلر.
اولرنینگ ایتیشلریچه، محلی دولت هردایم بو کبی احتفاللر اوتکزیلیشینی نه‌فقط قۉللب-قوتله‌یدی بلکه کېله‌سی نسللر گه ترقیات امکانیتینی یره‌تیش اوچون سعی-حرکت قیله‌دیلر.
هر ییلی بدخشان‌ده، امیرعلیشیرنوایی و ظهیرالدین محمدبابر کبی بویوک شخصیت‌لرنینگ توغیلگن ییللیگی، بیلیم و فرهنگی ایشلری، اۉزبېک فرهنگی‌لری تامانیدن نشانلنه‌دی.
