مملکت‌ده سۉنگی اوچ کونده هوا درجه‌سی پس توشگنی و قتناو یوللردن بیرقطاری توسیلیشی بیلن اولکه یشاوچیلریدن بیرقطاری، آوقت‌لنیش اوچون نان و یشش اوی‌لرینی ایسیتیش اوچون یاقیلغی مادهلرینی تأمینله‌ی آلمسلیگیدن نالیماقده‌لر.
غور یشاوچیسی محمدگل و بدخشان ولایتی فیض‌آباد شهری یشاوچیسی جواد، قیش موسمیده احتیاجلرینی تأمینله‌ی آلمسلیگیدن نالیب و دولت همده یاردم بیرووچی نهادلردن، قیش‌ده آزیق-آوقت و یاقیلغی مادهلرینی تأمینلش اوچون یاردم بیریشنی سوره‌یدیلر.
غورلیک محمدگل گه کوره: «عایله‌ده ۱۰ و ۱۵ کیشی‌میز، آوقت‌لنیش اوچون نانی‌میز یوق، اوی‌ده باله‌لر بار، هر ساحه‌ده قیینچیلیک بیلن روپه‌ره‌میز، یالغیز اوزیم من، ایش اوچون چوک باشی‌ده بارگن حالده، ایش اوچون کیمسه آلیب بارمه‌یدی.»
فیض‌آباد شهری یشاوچیسی جوادنینگ ایتیشیچه: «هوا درجه‌سی جوده هم پس توشگن و سۉنگی نیچه کون ایچیده قار یاغدی آوقت‌لنیش اوچون هېچ نرسه‌میز یوق، باله‌لر شهردن کارتن و باشقه نرسه آلیب کېلیشه‌دی و صندلینی ایسته‌میز، حتا قیش کییم-کییچگی‌میز یوق، دولت و موسسه‌لردن بیز گه یاردم بیریش‌لرینی اېسته‌یمیز.»
بیزلرنینگ فیسبوک صحیفه‌میزگه باش اورینگ!
باشقه تاماندن، فاریاب‌ده ساووق و هوا درجه‌سی پس توشگنی طفیلی، نیچه کون آلدین بو ولایت‌نینگ ایکّی یشاوچیسی قربان بولگن.
فاریاب امنیه قوماندانلیگی سۉزلاوچیسی عبدالله مرادی سلام‌وطندار بیلن اۉتکزگن صحبتیده، هوا ساووق‌لیگی باعث ایکّی کیشی‌نینگ اولیمی یانیده، اولرنینگ تورت باش چاروه‌سی تلف بولگنینی تصدیقله‌گن.
اونینگ کوپه‌یتیریشیچه: «اۉزلریز گه معلوم اوتگن نیچه کونده فاریاب هم باشقه ولایت‌لر کبی قار یاغیش گواهی اېدی، اینیقسه کوهستانات تومنلریده، افسوس بیلن غریب‌کار بولگن وطنداش‌لردن ایکّی کیشی کوهستانات تومنیده تیربند ساحه‌لریده ایزغیرین ساووق و بوران باعث قربان بولدیلر، بیری‌نینگ جسدی تاپیلگن و باشقه بیری‌نینگ جسدی همان قار آستیده قالگن، تورت چاروه‌لری هم تلف بولگن.»
بیزلرنینگ «ایکس» ترماغی ده هم تعقیب قیلینگ!
سۉنگی کونلرده احتیاجلر کوپه‌یشی و هوا درجه‌سی سېزیلرلی درجه‌ده پس توشگنی بیلن؛ بیرلشگن ملتلر تشکیلاتی‌نینگ انسان پرورلیک یاردملرینی هماهنگ قیلووچی اداره‌سی (اوچا) و خلق‌ارا آزیق-آوقت دستوری، بودجه آزلیگی اوچون افغانستان‌ده بوتون محتاج کیشیلر گه یاردم بیریش توانلری یوق‌لیگینی معلوم قیلگنلر.
شو بیلن بیرگه، افغان قیزیل آی جمعیتی اداره‌سی گه کوره، قیش موسمیده ۱۵ ولایتده بیش مینگ ۵۰۰ محتاج عایله گه، ۱۶۵ میلیون افغانی، بیرقطار کیشیلر گه آزیق-آوقت و ۲۸۸ باش پنه‌سیز عایله گه یشش اوی توزیع قیلگنلر.
افغان قیزیل آی جمعیتی سۉزلاوچیسی‌نینگ اورین باسری فضل‌حق مقصودیار گه کوره: «افغان قیزیل آی جمعیتی قیش موسمی یېتیب کېلیشی بیلن تورلی ساحه‌لرده یشاوچیلر گه یاردم کورسه‌تگن، بو ایکّی آی ایچیده هلمند، هرات، بدخشان، فاریاب و باشقه بیرقطار ولایت‌لرده، آزیق-آوقت، نقد پول و باشقه نرسه توزیع قیلینگن، هرات‌ده ۲۸۸ عایله گه که زلزله طفیلی یشش اوی‌لری بوزیلگن اېدی باش پنه قوریلیب بیریلگن و ۱۵ ولایتده بیش مینگ ۵۰۰ محتاج عایله گه ۱۶۵ میلیون افغانی نقد پول توزیع بولگن.»
بوندن آلدین، خلق‌ارا آزیق-آوقت دستوری افغانستان‌ده اوشبو قیش‌ده ۱۵ میلیون محتاج کیشی‌دن، یالغیز آلتی میلیون کیشی گه یاردم بیریش گه قادر و باشقه میلیون‌لب محتاج عایله، بودجه آزلیگی اوچون بو یاردملردن محروم قالیشینی اېتگن.
