اسلام امیرلیگی کانلر و پترولیم وزیرلیگی سوزلاوچیسی همایون افغان، تخار ولایتی چاهآب تومنیده کان حدودلریده «آلتین» کانینی قزیب چیقروچی شرکت و محل یشاوچیلری اورتهسیده یوز بیرگن توقنشوونی تصدیقلهدی.
کانلر و پترولیم وزیرلیگی سوزلاوچیسی، اوشبو توقنشوو جانی و مالی تلفات گه سبب بولگنینی بیلدیرهدی. بیراق او واقعه طفیلی نیچه کیشی قربان بولگنی و مالی ضررلر حقیده بهتفصیل معلومات بیرمهگن.
همایون افغاننینگ ایتیشیچه، واقعه تیکشیریلیشی اوچون قوشمه هیئت محل گه یوباریلگن. او، واقعه گه دایر معلوماتلر کیین ییتکرمهلر بیلن شریک قیلینیشینی قوشیمچه قیلگن.
بوندن اول، تخاردهگی منبعلر ییتکرمهلر بیلن صحبتده، تخار چاهآب تومنی یشاوچیلرینینگ ناراضیلیگی جریانیده نیچه کیشی اولیب و یرهلنگنینی ایتگن.
ترقهلگن معلوماتلر گه کوره، نیچه کوندن بیری چاهآب تومنی یشاوچیلری آلتین کانی قیزیب چیقریلیشی و سوو منبعلریگه ضرر ییتکزگنی باعث ناراضیلیک بیلدیرگن. بو ناراضیلیک اوتگن کونی زورهوانلیککه سبب بولگنی ایتیلگن.
