اسرائیل اردوسینینگ اعلام قیلیشیچه، نوار غزه شمالیده یوز بیرگن بیر «حادثه» ده، اوشبو مملکتنینگ عسکرلریدن بیش تهسی اولیب و باشقه ۱۴ تهسی یرهلنگن.
اسرائیل تایمز کوندهلیگینینگ گزارشی اساسیده، اوشبو واقعه ۱۶-سرطان، دوشنبه کیچه محلی وقت بیلن ساعت ۱۰:۰۰ اطرافیده، «بیت حانون» منطقهسیده یوز بیرگن که نتیجهده، بیش کیشی اولیب و باشقه ایکی کیشی جدی شکلده یرهلنگن.
بیزلرنینگ «ایکس» ترماغی ده هم تعقیب قیلینگ!
گزارش گه کوره، اسرائیلنینگ پیاده عسکرلری گروهی یقینیده، سرک چیکهسیده جایلشگن بیر بمبنینگ پارتلهگنی نتیجهسیده باشقه ۱۲ عسکر یرهلنگن.
اسرائیل اردوسی «حادثه» توغریسیده کوپینچه معلومات بیرمهگن؛ لیکن اسرائیل ییتکرمهلری حماس یا-ده غزه دهگی باشقه قوراللی گروهلر تامانیدن ریجهلشتیریلگن هجوم احتمالی حقیده خبر بیرگن.
بیزلرنینگ فیسبوک صحیفهمیزگه باش اورینگ!
غزه شمالی سونگی هفتهلرده اسرائیل کوچلری و فلسطینلیک گروهلری آرهسیده کوچلی توقنشوولرگه شاهد بولگن. بو منطقهده اسرائیلنینگ ییر و هوا هجوملری حاضرگچه دوام قیلماقده.
