کابل ده چین ایلچی‌لیگی، انسان‌سیور یاردم‌لری نینگ ایکینچی بولیمی ییتیب کیلگنی دن خبربیردی.
چین ایلچیسی وانگ یو نینگ ایتیشیچه، بو یاردم‌لر افغانستان ده یمان اقصادی وضعیت گه یوزمه یوز بولگن عایله‌لر اوچون نظرگه آلینگن. اونینگ ایتیشیچه، افغانستان اوچون چین انسان‌سیورلیک یاردم‌لری گه دوام بیره دی.
” افغانستان اوچون چین انسان‌سیورلیک یاردم‌لری گه دوام بیره دی، چین یاردم‌لری نه فقط بیرینچی کیرکلی ماده‌لر، اقتصادی یاردم‌لر نی هم اوز ایچیگه آله دی. بیز مستقل، ترقیات گه ایریشگن و تینچ افغانستان نی ایسته‌ی میز.”
بیزلرنینگ فیسبوک صحیفه‌میزگه باش اورینگ!
باشقه تامان دن بو یاردم‌لر ترقه‌لیشی زمانی ده، قاچقین‌لر وزیرلیگی نینگ اورین باسری محمد ارسلاح خروتی نینگ ایتیشیچه، افغانستان بویلب ۱ میلیون ۳۰۰ یشاوچی اوی‌سیز و اورین سیز بولگن، و عاجل یاردم‌لر گه محتاج.
خروتی نینگ ایتیشیچه، بیرینچی دن چین نینگ یاردم بسته‌لری ایچکی اورین‌سیز بولگنلر اختیاری گه قوییله دی.
” بو یاردم‌لر نه فقط کابل یشاوچی‌لری گه ترقه‌تیله دی، مملکت بویلب مستحق عایله‌لر گه هم بیریله دی. قاچقین‌لر وزیرلیگی تیارله گن لیستی اساسی‌گه هر بیر ولایت اوز سهمی نی آلیب مستحق کیشی‌لر گه بیره دی.” مملکت ده سیاسی اوزگریش‌لر و اسلامی امارت حاکم بولگنی دن سونگ، انسانی بحران یوزبیردی و عادی اهالی خلق‌ارا نهادلر نینگ انسان‌سیورلیک یاردم‌لری گه محتاج بولیشدی.