افغانستان مرکزی بانکی اوتگن کونی اعلامیه ترقه‌تیب ایتیشیچه، اوشبو مملکت گه نقدی انسان پرورلیک یاردم‌لر دوام ایتر ایکن، باشقه ۳۲ میلیون دالر کابل گه ییتیب کیلگن.
مذکور بانک نینگ اعلامیه‌سی اساسیده، اوشبو پول اوتگن کونی افغانستان خلق‌ارا بانکی (AIB) گه تاپشیریلگن. افغانستان مرکزی بانکی گه کوره، اوشبو مملکت گه انسان پرورلیک نقدی یاردم‌لر باشله‌نیشیدن حاضرگه قدر ۳۴۵ میلیون ۶۰۰مینگ دالر کابل گه ییتیب کیلگن.
مذکور بانک، یاردم بیروچی مملکت‌لردن منتدارلیک بیلدیریب، منطقه و دنیا اولکه‌لری بیلن ایجابی همکارلیک‌لری بولیشی مقصدیده افغانستان بیلن بانکی مناسبت‌لرینی آسانلشتریشینی طلب قیلگن.
بیزلرنینگ فیسبوک صحیفه‌میزگه باش اورینگ!
اسلامی امارت قدرت گه ایریشیشی‌دن کیین، افغانستان نینگ پول ذخیره‌لری خلق‌ارا بانک لریده موزله‌تیلدی. بو کبی چیکلاو افغانستان اقتصادی اوستیگه سلبی تاثیر قیلگن.
باشقه تاماندن، آمریکا قوشمه ایالت‌لری نینگ جمهور باشلیغی جوبایدن، سونگی نیچه کون‌ده افغانستان مرکزی بانکی ذخیره‌لریدن ۷ میلیارد دالردن، ۳.۵ میلیاردی‌نی ۱۱سپتامبر قربانی‌لری نینگ عایله‌لری گه تاوان اوله‌راق اجره‌تگن.
شونینگدیک آمریکا نینگ اوشبو قراری اساسیده، افغانستان مرکزی بانکی نینگ ذخیره‌لریدن ۳.۵ میلیارد دالری مذکور مملکت فقرالری گه یاردم صفتیده امانی صندوقی گه انتقال بیریله‌دی. آمریکا دولتی نینگ بو قراری، ملی و خلق‌ارا عکس‌العمل‌لرگه روپه‌رو بولگن.
مملکت سابق جمهوررئیسی حامد کرزی اوتگن کونی کابل‌ده مطبوعاتی ییغینده، آمریکا جمهور باشلیغی نینگ افغانستان دارایی لریدن بیر قسمی ۱۱ سپتامبر هجومی قربانی‌لری نینگ عایله‌لری گه تاوان اوله‌راق توللـه‌نیش قراری‌دن تنقید قیلیب، آمریکا بو قرارینی قیته تیکله‌شینی بیلدیردی.
مملکت سابق جمهور باشلیغی نینگ تاکیدلشیچه، افغانستان نینگ توسیلگن پول‌لری، اسلامی امارت حکومتی‌دن ایمس، بلکه افغانستان خلقی گه تیگیشلی دیر.کرزی نینگ اورغولشیچه، اوشبو پول‌لردن ۱۱ سپتامبر قربانی‌لری نینگ عایله اعضالری گه اجره‌تیلمسلیک لازم، بلکه افغانستان نینگ بوتون دارایی‌لری بو مملکت فقرالری گه قیتیریلیشی کیره‌ک.
جناب کرزی نینگ کوپیتیریشیچه، اسامه بن لادن، ۱۱ سپتامبر واقعه اصلی عاملی اوله‌راق پاکستان‌ده اولدیریلدی و او نینگ فعالیت لری تاوانینی افغانستان خلقی توللمسلیگی لازم. او نینگ ایتیشیچه، افغانستان فقرالری تروریزم کتته قربانی‌لری دیر.
بیزلرنینگ توییترده هم تعقیب قیلینگ!
بوندن آلدین، بشر حقوقی کوزه‌تیش تشکیلاتی، افغانستان مرکزی بانکی ذخیره‌لریدن ۳.۵ میلیارد دالر ۱۱ سپتامبرهجومی قربانی‌لری نینگ عایله‌لری گه اجره‌تیلیشیدن تنقید قیلیب ایتیشیچه، آمریکا جمهوررئیسی افغانستان دارایی‌لرینی تصرف ایتیش آرتیده دیر.
مذکور نهاد نینگ کوپیتیریشیچه، اوشبو قرار عملگه آشیریلگن تقدیرده، ثروت‌نی کنترول قیلیش اوچون مثل سیز قیینچیلیک پیدا بولیشی ممکن. بشر حقوقی‌نی کوزه‌تیش تشکیلاتی گه کوره، ۳.۵ میلیارد دالر افغانستان خلقی گه انسان پرورلیک یاردم بیریلیشی سخاوتمندلیک بولیشی ممکن، بیراق بوندن آلدین بوتون ییتی میلیارد دالر قانونی روشده افغانستان یشاوچیلری اوچون اجره‌تیلگن.