فلسطین دولتی یېتکرمهلر ادارهسی، غزهده آتیش کېسین برقرار ایتیلگنیدن بیری، اسرائیل هجوملری عاقبتیده چمهسی ۹۷ فلسطینلیک هلاک بولگنینی بیلدیردی.
الجزیره، ۲۸-میزان، دوشنبه کونی بیر گزارش ترقهتیب غزهده آتیش کېسین برقرار ایتیلگنیدن بیری کمیده ۲۳۰ فلسطینلیک یرهلنگنینی معلوم قیلگن.
فلسطین دولتی یېتکرمهلر ادارهسی گه کوره، حماس و اسرائیل اورتهسیده آتیش کېسین بولگنیدن بیری، بو کیلیشوو ۸۰ مرته بوزیلگن.
اسرائیل حربی کوچلری، ینگیلیکده غزه گه هوا هجوملرینی قیته باشلب و اونینگ نتیجهسیده اونلب فلسطینلیک هلاک بولگن.
غزه گه اسرائیلنینگ ینگی هجوملری بیلن بیرگه، امریکا جمهور باشلیغی دونالد ترامپ گه کوره، غزهده آتیش کېسین بوزیلمهگن و واشنگتن وضعیتنینگ «جوده تینچ» اېکنلیگیگه ایشانچ حاصل قیلیشگه حرکت قیلماقده.
میلادی ۲۰۲۳-ییل، ۷-اکتوبرده غزهده حماس و اسرائیل اورتهسیده اوروش باشلنگنیدن بیری چمهسی ۶۸ مینگ ۱۵۹ فلسطینلیک هلاک بولیب و ۱۷۰ مینگ ۲۰۳ کیشی جراحت آلگن.
