بیرلشگن ملتلر تشکیلاتی باشکاتبی آنتونیو گوترش، غزه ده آتیش کیسین کیلیشووینی آلقیشلب و تامانلردن مذکور کیلیشوو شرطلرینینگ بوتونلی شکلده عملگه آشیریلیشینی سورهگن.
گوترشنینگ بوگون (۱۷-میزان، پنجشنبه)، اکس صحیفهسیده بیر بیانیه آرقهلی یازیشیچه، امریکا جمهور باشلیغی تامانیدن کورسهتیلگن ریجه اساسیده، غزه ده آتیش کیسین تامینلنیشی و گروگه آلینگنلر آزاد بولیشی بوییچه کیلیشوونی آلقیشلهیدی.
بیزلرنینگ فیسبوک صحیفهمیزگه باش اورینگ!
اونینگ اورغولشیچه، غزه گه انسانسیورلیک یاردملرنینگ توسقینلیکسیز و تیزلیککه باریشی تضمین بولیشی کیرهک. «گروگه آلینگنلردن برچهسینینگ عزت بیلن آزاد بولیشی و دایمی آتیش کیسین تامینلنیشی کیرهک. توقنشوولرنینگ دایمی شکلده توختهتیلیشی، انسانسیورلیک یاردملرنینگ توسقینلیکسیز همده تیزلیککه یوباریلیشی و کیرهکلی تجاری مادهلرنینگ غزه گه تضمین بولیشی کیرهک. اهالی قیینچیلیگینینگ یکونلنیشی کیرهک.»
بیرلشگن ملتلر تشکیلاتی باش کاتبینینگ کوپهیتیریشیچه، اوشبو تشکیلات آتیش کیسین کیلیشووینینگ بوتونلی شکلده عملگه آشیریلیشیدن حمایت قیلیب، برقرار اوزگریش و انسانسیورلیک یاردملر اصولینی کوچهیتیرهدی و شونینگدیک غزهنینگ قوریلیشی و قیته قوریلیشی اوچون سعیوحرکت قیلیشی ممکن.
بیزلرنینگ «ایکس» ترماغی ده هم تعقیب قیلینگ!
گوترش، باسقیننینگ یکونلنیشی، فلسطین اهالیسی تقدیری تعیینلنیشی بوییچه حقی تن آلینیشی و اسرائیل بیلن فلسطینلیکلرگه تینچ همده امنیتده یشش امکانیتینی بیرهدیگن ایکی مملکتلی ییچیمگه قول تاپیش تامان ایشانچلی سیاسی یولنی یرهتیش اوچون برچه تاماندن اوشبو «تاریخی فرصت» دن، فایدهلنیشلرینی ایستهگن.
مصر ده حماس و اسرائیل آرهسیده مذاکرهلر نتیجهسیده، امریکا جمهور باشلیغی دونالد ترامپنینگ اعلام قیلیشیچه، ایکی تامان غزه ده آتیش کیسین ریجهسینینگ «بیرینچی باسقیچی» گه کیلیشگنلر.
