انسان حقوقی نی کوزه‌تووچی نهاد نینگ عیاللر بولیمی مدیری اورین باسری هیدربار، اسلامی امارت تامانیدن دینی مدرسه‌لر قوریلیش برابریده عکس‌العمل بیلدیریب ایتگن دیر که وقتینچه‌لیک حکومت قیزلر نینگ مکتب‌لری آچیلیشی اوچون کیلیشمه‌یدی؛ بیراق ۴ مینگ دن آرتیق دینی مدرسه قوریش اوچون پول تاپه‌دی.
افغانستان‌ده آلتینچی صنف‌دن یوقاری قیزلر نینگ مکتب‌لری یاپیق قالیشی باعث، بوگون مطبوعاتی ییغین اوتکزگن مدنی تشکیلات‌لر و قومی شورالر اسلامی امارت‌دن، قیزلر نینگ مکتب‌لری یاپیق قالگنی باره‌سیده ایضاح کیریتیشینی طلب قیلدیلر.
مملکت‌ده سونگی اوزگریشلر و اسلامی امارت نینگ قدرت گه ایریشگنیدن کیین، عیال‌لردن کوپ قطاری ایشلری نی قولدن بیردیلر که عایله‌لری نینگ یالغیز نان کیلتیرووچیسی بولگن عیاللر، انه شوو سبب کوپینچه اقتصادی قیین‌چیلیک بیلن روپه‌رو بولگنلر.
«افغان عیاللر اوچون عیاللر» غیردولتی موسسه‌سی نینگ زوروانلیکلردن زیان کورگن عیاللر و ایشلاوچیلری، اوشبو موسسه نینگ فعالیتی توخته‌گنی و تقدیرسیز بیرحالت‌ده قرار تاپگنلریدن شکایت قیله‌دیلر.
آمریکا قوشمه ایالتی تشقی ایشلر وزیرلیگی نینگ سوزلاوچیسی ند پرایس نینگ ایتیشیچه، اسلامی امارت قیزلر نینگ اورته ولیسه مکتب‌لرینی آچمه‌گن صورتده کیسکین نتیجه‌لر بیلن روپه‌رو بولیشی ممکن.
دنیا ساغلیق‌نی سقلش تشکیلات رئیسی تدروس آدهانوم گبریسوس نینگ ایتیشیچه، آق‌پوست‌لر و قاره‌پوست‌لر حیاتی نابرابر شکلده دنیا بحرانیدن تأثیرلنگن. اونینگ اورغولشیچه، اوکراین گه قره‌گنده افغانستان و باشقه مملکت‌لر گه اونچه‌لیک اعتبار بیریلمه‌گن.
اسلامی امارت معارف وزیرلیگی مسئوللری نینگ ایتیشلریچه، قیزلر نینگ اورته و لیسه مکتب‌لرینی آچیش اوچون سعی و حرکت قیلماقده‌لر و بو توغریده‌گی بعضی ایشلر عملی بولگن.
هرات ولایتی عیاللر صنعت و سوداگرلیک اتاقی مسئوللری نینگ ایتیشلریچه، اولر، بیرقطار مملکت‌لر، سوداگرلر و اسلامی امارت نینگ آرقهداشلیگی بیلن اوشبو ولایت عیاللر صنعت و سوداگرلیک اتاقینی قیته‌دن فعال قیلگن‌لر.
کمیده ۸ آیدن بیری ۶-صنف‌دن یوقاری قیز اوقووچیلر یوزیگه مکتب‌لر دروازهسی یاپیق قالگن و اسلامی امارت ۳-حمل‌ده بوتون مکتب‌لر نینگ آچیلیشی خصوصیده سوز بیرگن بیرحالده؛ بیراق سوزلری گه قرشی قیزلر یوزیگه لیسه و متوسطه مکتب‌لر نینگ دروازهسی نی آچمه‌گن.
بیرلشگن ملت‌لر تشکیلاتی نینگ باله‌لردن حمایت قیلووچی صندوقی یا-ده یونیسف نینگ اعلام قیلیشیچه، بریتانیا نینگ مالی حمایتی بیلن، دایکندی ولایتی‌ده ۶۰۰۰دن آرتیق عایله گه تیز نقدی یاردم ترقه‌تیلگن.
بامیان‌ده‌گی محلی منبع‌لر کیم‌لیکلری سِر قالیش شرطی بیلن سلام‌وطندار گه ایتیشلریچه، اسلامی امارت استخبارات کوچلری اوشبو هفته شنبه کوندن بویان ۱۱ عیال‌نی «اسلامی امارت تیزیمیدن» حمایت ایتیش برنامه‌نی برهم اوریش عیبی بیلن قولگه آلیب و تیرگاو قیلماقده‌لر.
بوگون پنج‌شنبه کابل‌ده مطبوعاتی ییغینده اشتراک ایتگن دین عالم‌لریدن قطاری، قیزلر نینگ اورته و لیسه مکتب‌لری یاپیق قالیشی خصوصیده ایتیشلریچه، بو ایش اسلام پیکری گه اینگ بویوک زیان دیر.
افغانستان‌ده بیرلشگن ملت‌لر تشکیلاتی باش کاتبی مخصوص نماینده‌سی نینگ اورین باسری مته نودسن نینگ ایتیشیچه، افغانستان‌ده اسلامی امارت قدرت گه ایریشگنیدن بویان، حاضرگچه حکومت نینگ تقدیری نامعلوم دیر.
جوزجان ولایتی نینگ ایکی تومنی و مرکزی‌ده ۷۰۰ دهقان عیال گه اوی باغچه‌لری و ایش اسباب‌لری توزیع بولدی. جوزجان‌ده اکتید دفتری باشلیغی امان‌الله امین نینگ ایتیشیچه، عایله‌لرینی سرپرست‌لیک قیله‌دیگن دهقان عیاللرنی قوللب قوتلش و اولر نینگ اقتصادیاتینی کوچه‌یتیریش مقصدیده، بو پروژه‌نی یولگه قویگن‌لر.
بیرلشگن ملت‌لر تشکیلاتی نینگ باش‌پناه ایزولاوچیلر ایشلری بوییچه عالی کمیشنری (UNHCR)، افغانستان‌ده باله‌لر و عیاللر وضعیتیدن خواطر بیلدیریب ایتیشیچه، اولر اوشبو مملکت‌ده کوپراق انسانی فاجعه بیلن روپه‌رو دیر.
افغانستان بوییچه آمریکا بیرلشمه ایالتی نینگ خاص نماینده‌سی توماس وست نینگ ایتیشیچه، مملکت سابق جمهور رئیسی حامد کرزی بیلن سوزلشگن دیر. او توییتر صحیفه‌سیده یازگن که مکتب گه قیزلر نینگ تیزلیککه باریشلری و افغانستان کیله‌جگی نی تعیین‌لش اوچون ملی مشورتی بیر نیاز حقیده سوزلشگنلر.
