پروان امنیه قوماندانلیگی مسئوللری، مذکور ولایت نینگ جبل‌السراج تومنی حدودلری ده، محمد‌صادق ناملی ۲۵ یاشر بیر ییگیت نینگ اولدیریلگنیدن خبر بیرگنلر. پروان امنیه قوماندانلیگی سوزلاوچیسی محمد‌کامران حبیبی نینگ سلام‌وطندار گه ایتیشیچه، مذکور یاش ییگیت یک‌شنبه کیچه، ۲۷-حمل، تراویح نمازی نی اوقیش‌دن کیین، جبل‌السراج تومنی اطرافیده اولدیریلگن.
بامیان ولایتیده‌گی محلی منبع‌لر، اوشبو ولایت نینگ مرکزی حدودلری «ککرک» قیشلاغی ده بیر ییگیت اوزینی دار گه آسیب اولدیرگنیدن خبر بیره‌دیلر. محلی بیر منبع گه کوره، ۱۷ یاشر «ذکریا» اسملی مذکور ییگیت حیدرآباد لیسه‌سی اون ایکینچی صنف اوقووچیسی ایکن.
غور امنیتی مسئوللری گه کوره، اوشبو ولایت نینگ تیوره‌ی تومنیده ۲۵ یاشر بیر ییگیت، بوگون (یک‌شنبه، ۲۷ حمل) ایپ بیلن اوزینی آسیب اولدیرگن.
سرپل امنیتی رسمی‌لری، اوشبو ولایت مرکزی «انگوت عربیه» قیشلاغی ده بیر دهقان پیچاقله‌نیب اولدیریلگنیدن خبر بیره‌دیلر. سرپل امنیه قوماندانلیگی سوزلاوچیسی دین‌محمد نظری نینگ سلام‌وطندار گه ایتیشیچه، مذکور ولایت نینگ مرکزی «انگوت عربیه» قیشلاغی ده ۴۵ یاشر «گلاب‌الدین» اسملی کیشی نامعلوم کیشی‌لر تامانیدن پیچاقله‌نیب اولدیریلگن.
پکتیکا حاکمی سوزلاوچیسی ثناءالله معصوم نینگ سلام‌وطندار گه ایتیشیچه، جمعه کونی، ۲۵ حمل، اوشبو ولایت نینگ خیرکوت تومنی «پاینده‌خیل» قیشلاغیده ایکی عایله اورته‌سیده یوز بیرگن توقنشوو ده، ۷ کیشی هلاک بولگن.
فاریاب ده‌گی منبع‌لر، اوشبو ولایت ده بیر کیشی اوز ایناغه‌سینی اولدیرگنیدن خبر بیره‌دیلر. مذکور واقعه جمعه کونی، ۲۵ حمل، فاریاب ولایتی پشتونکوت تومنی «گلیم‌باف» قیشلاغیده یوز بیرگن.
تخار امنیه قوماندانلیگی سوزلاوچیسی عبدالمبین صافی نینگ ایتیشیچه، تخار ولایتی کسلخانه‌سیده نسائی ولادی شفاکاری «ذاکره رحمانی» پنج‌شنبه کونی، ۲۴ حمل، شام چاغی، قندوز دن تخار تامان باریش پیتیده، تخار ولایتی چینزه‌یی منطقه‌سیده نامعلوم قوراللی کیشی‌لر تامانیدن آتیب اولدیریلگن.
ننگرهار امنیه قوماندانلیگی سوزلاوچیسی عبدالبصیر زابلی نینگ سلام‌وطندار گه ایتیشیچه، پنج‌شنبه، ۲۴ حمل، اوشبو ولایت نینگ کوت تومنی حدودلری «دوانو» قیشلاغیده آلتی یاشلی بیر باله، اوتگن اوروش‌لردن قالگن اوق نی تاش گه اوریشی سبب اوق پارتله‌گن.
کاپیسا امنیه قوماندانلیگی سوزلاوچیسی عبدالفتاح فائز بوگون (جمعه، ۲۵ حمل) اوشبو خبرنی تصدیقلب سلام‌وطندار گه ایتیشیچه، اوتگن کون توش دن آلدین ساعت ۹:۵۰ اطرافی ده، حصه‌اول کوهستان تومنی قاضی‌خیل قیشلاغی «زیرپشته» منطقه‌سیده بوغدای ایکینی ایچیدن بیر کیکسه کیشی نینگ جسدی تاپیلگن.
خوست ده منبع‌لر نینگ ایتیشلریچه، ناتانیش قوراللی کیشی‌لر بوگون ایرتنگ چاغی (چهارشنبه، ۲۳-حمل)، خوست شهری نینگ صراف‌لر بازاری‌ده احمد‌شاه مندوزی اسملی بیر کیشی نی اوققه توتیب اولدیرگنلر.
سابق حکومت حربی‌لریدن بیری نینگ آنه‌سی، آتی سِر قالیش شرطی بیلن سلام‌وطندار گه ایتیشیچه، سابق حکومت خوفسیزلیک کوچلری نینگ عضوی بولمیش اوغلی، نیچه مدت آلدین قندهار ده نامعلوم قوراللی کیشی‌لر تامانیدن اوققه توتیلیب اولدیریلگن. اوشبو عیال نینگ کوپه‌یتیریشیچه، حاضرگچه اوغلی نینگ نیمه اوچون اولدیریلگنی و اوشبو قضیه عامللری بیللی بولمه‌گن؛ شونینگدیک، اسلام امیرلیگی کوچلری نیچه مرته اوغلی نینگ قورالی و موترسایکلی نی قیتیریشینی ایسته‌گن.
بدخشان ده‌گی محلی منبع‌لر نینگ سلام‌وطندار گه ایتیشلریچه، یک‌شنبه کیچه، ۲۰ حمل، کیچ قورون اوشبو ولایت نینگ ارگو تومنیده «شتک» کسلخانه آمری، نامعلوم قوراللی بیر کیشی تامانیدن «کلاشینکوف» رسوملی قورال بیلن اوققه توتیلیب اولدیریلگن.
فاریاب امنیتی مسئوللری نینگ ایتیشلریچه، اوشبو ولایت ده نامعلوم قوراللی کیشی‌لر بیر شخص نی اولدیریب و باشقه بیر کیشی نی یره‌لنتیرگن.
غزنی امنیه قوماندانلیگی مسئوللری نینگ ایتیشلریچه، اوشبو ولایت ده «نارنجک» بمبی پارتلشی عاقبتیده ایکی باله هلاک بولگن. غزنی امنیه قوماندانلیگی سوزلاوچیسی خالد سرحدی نینگ سلام‌وطندار گه ایتیشیچه، اوشبو واقعه ناور تومنی «گل‌زار برجگی» قیشلاغیده یوز بیرگن.
ننگرهار ولایتی سپین‌غر تومنیده محلی منبع‌لر نینگ سلام‌وطندار گه ایتیشلریچه، بوگون (دوشنبه، ۲۱ حمل)، اوشبو تومن نینگ «شدل» منطقه‌سی یشاوچیلری، اسلام امیرلیگی کوچلری بیلن توقنشگنلر. منبع‌لر گه کوره، مذکور واقعه اسلام امیرلیگی کوچلری «شدل» منطقه‌سیده تریاک ایکین‌لرینی یوق قیلیش چاغیده یوز بیرگن.
کاپیسا ولایتی رسمی‌لری، اوشبو ولایت ده قرآن‌کریم ختمی قنده‌ی اوتکزیلیشی اوستیده ایکی گروه ارا یوز بیرگن لفظی تارتیشوو ده، آلتی کیشی اولیب و یره‌لنگنیدن خبر بیره‌دیلر.
