صناعت و سودا وزیرلیگی نینگ سرپرست وزیری نورالدین عزیزی باشچیلیگیده اسلام امیرلیگی نینگ هیئتی قزاقستان رسمیلری بیلن اوچرهشماقده اېکن، بو وزیرلیک رسمیلری قزاقستان بیلن سودا آلیش-بیریش مقدارینی هر ییلی اوچ میلیارد دالر گه یېتکیزیش اوچون سعی-حرکت قیلماقدهلیکلریدن خبر بیرگنلر.
سرپرست حکومت احصائیه و معلومات ملی ادارهسی، بوگون (۱-عقرب، سهشنبه) بیر بیانیه ترقهتیب، مملکت بویلب قریب ۴.۸۳ میلیون متریک تُن بوغدای حاصل آلینگنینی معلوم قیلگن.
لغمان ده آزیق-آوقت و خاتین-قیزلر نینگ کییم-کیچکلرینی تیارلش بیلن مصروف عیاللردن بیرقطاری، سرپرست حکومت دن اوشبو ولایت ده عیاللر گه عاید مارکیت ایشینی تیزلیک بیلن یکونلنتیریشنی اېستهیدیلر.
امریکا تشقی ایشلر وزیری آنتونی بلینکن، حماس نینگ سیاسی اداره باشلیغی یحیا سنوار اولدیریلیشیدن سۉنگ، غزه ده آتیش کېسین برقرار اېتیلیش اوچون مذاکرهلرنی جانلنتیریش و کېلهجگینی تېکشیریش اوچون اسرائیل گه سفر قیلیشی کوتیلهدی.
اسلام امیرلیگی سۉزلاوچیسی ذبیحالله مجاهد، اۉتگن کیچه ایکس صحیفهسیده بیر بیانیه ترقهتیب، اسلام امیرلیگی حربی کوچلری مخصوص عملیات یولگه قوییب، غور ولایتی مارکو شهریده داعش اعضالری نینگ قرارگاهی گه هجوم قیلگنیدن خبر بیرگن.
ایران تشقی ایشلر وزیری سیدعباس عراقچی، تورکیه انتیوی یېتکرمهسی بیلن اۉتکزگن صحبتیده، یحیا سنوار نینگ اولدیریلیشی حماس فعالیتلری توختهلیشیگه سبب بولمهیدی و یالغیز فلسطینلیک یاشلر نینگ ترغیب بولیشیگه باعث بولهدی. اۉرته شرق اینیقسه سوریه ده اوروش کېنگهیشی حقیده آگاهلنتیرگن، ایران تشقی ایشلر وزیری عباس عراقچی.
اسلام امیرلیگی باش وزیرلیگی نینگ اقتصادی اورین باسرلیگی، اوشبو قویاش ییلده آمو دریا نفت حوزهسیده نفت قازیب چیقریلیش مقداری آشیریلیشی مقصدیده، ینگی ۲۵ قودوق فعال بولیشینی معلوم قیلگن.
اسلام امیرلیگی باش وزیرلیگی نینگ اقتصادی اورین باسرلیگی، سۉنگی قریب ایککی ییلده پایتخت کابل و ولایتلردن ۶۲ مینگ دن کوپراق تیلنچی ییغیلگنینی معلوم قیلهدی.
تورکیه جمهور باشلیغی رجب طیب اردوغان، اسرائیل باش وزیری بنیامین نتانیاهو، اۉرته شرق اینیقسه غزه و لبنان ده اوروشنی کېنگهیتیریش اوچون سعی-حرکت قیلماقدهلیگینی معلوم قیلهدی.
حماس مطبوعات ادارهسی، اسرائیل اردوسی نینگ غزه شمالی حدودلریده هوا هجومی عاقبتیده چمهسی ۷۳ کیشی قربان بولیب و باشقه اونلب کیشی یرهلنگنینی معلوم قیلگن.
حماس نینگ سیاسی لیدری یحیا سنوار اولدیریلیشی بیلن، اۉرته شرق ده کېسکینلیک اوج آلگچ اسرائیل باش وزیری نینگ ادارهسی، حزبالله لبنان اوشبو مملکت باش وزیری بنیامین نتانیاهو نینگ یشش اویلریدن بیرینی اوچووچیسیز اوچاق آرقهلی نشانگه آلگنیدن خبر بیرگن.
اسرائیل اردوسی نینگ غزه شمالیده هجوملری عاقبتیده چمهسی ۳۳ کیشی قربان بولیب و باشقه ۸۵ کیشی یرهلنگن. رویترز آژانسی، اسرائیل اردوسی ۲۷-میزان، جمعه کونی غزه شمالی حدودلری «جبالیا» اردوگاهسینی نشانگه آلگنینی اېتگن. جبالیا اردوگاهسی ایککی هفته دن کوپراق دن بیری اسرائیل اردوسی تامانیدن قمراوگه آلینگن و فلسطینلیکلر اېنگ کوپ جای آلگن محل سنلهدی.
بنگلادیش خلقارا جنایی محکمه، ۲۶-میزان، پنجشنبه کونی، اوشبو مملکت نینگ سابق باش وزیری شیخ حسینه نینگ قولگه آلینیشنی بویرگن. خانم حسینه بنگلادیش ده طلبهلر نینگ ناراضیلیگی جریانیده «توپلم اولدیریش» ده رولی بارلیککه عیبلنگن.
اسرائیل تشقی ایشلر وزیرلیگی و اوشبو مملکت اردوسی، غزه ده حماس نینگ سیاسی اداره باشلیغی یحیا سنوار نینگ اولیمینی رسمی طرزده تصدیقلهگنلر.
تازه میوه و سبزهوات موسومی یکونلنیش عرفهسیده، ننگرهار ولایتیده «تورخم» بندری ایشیگی ایککی آی دن سۉنگ آچیلگن. افغانستان و پاکستان سودا و صناعت قۉشمه اتاق باشلیغی خانجان الکوزی، بو یول ایککی آی توسیلگنی اوچون خصوصی سکتور آلتی میلیون دالر نقصان کورگنینی اېتهدی.
سمنگان ده سیخ ایشلب چیقریش فابریکه مسئولی نقیبالله نظری گه کوره، اوشبو فابریکه نینگ تمل تاشی بوگون (۲۶-میزان، پنجشنبه کونی) مذکور ولایت نینگ خُلم تومنیده قوییلگن و بو فابریکه بیش فاز ده قوریلهدی.
