بیانیه اساسیده، افغانستان قویاش ۱۴۰۴-ییل، سرطان آییده ۱۰۴ میلیون دالرلیک توار چیت ایل مملکتلر گه صادر و عوضی گه بیر میلیارد ۱۹۱.۱ میلیون دالرلیک توار وارد قیلگن. بیانیه گه کوره، مملکت صادراتی اوشبو قویاش ییل، جوزا آییده ۶۳.۱ میلیون دالر بولگن؛ بو رقم جوزا آیی گه نسبتن سرطان آییده صادرات رقمی ۴۰.۹ میلیون دالر کوپهیگنینی کورستهدی.
خلقارا یېتکرمهلر، اسرائیل اردوسی غزه شهریگه هجوملرینی کېنگهیتیرگن و اوتگن ۲۴ ساعت ایچیده اسرائیل هجوملری عاقبتیده قریب ۶۰ فلسطینلیک قربان بولگنیدن خبر بیرگنلر. الجزیره، بوگون (۲۷-اسد، دوشنبه)، قربان بولگنلر آرهسیده چمهسی ۳۷ نفری انسان سیورلیک یاردم آلووچیلر صفیده اسرائیل عسکرلری تامانیدن نشانگه آلینیب اولدیریلگنی حقیده گزارش بیرگن.
اسلام امیرلیگی باش وزیرینینگ اقتصادی اورینباسرلیگی، نیاز بولگن قریب ۶۰ فایز اوننینگ اولکهده ایشلب چیقریلیشینی معلوم قیلگن.
امریکا جمهور باشلیغی دونالد ترامپگه کوره، اوکرایننینگ ناتو گه قوشیلیشی و اوکراین توپراغیگه کریمهنینگ قیته آلینیشی امکانسیز بولیب و روسیه بیلن اوروش یکونلنیشی بوییچه هیچ قندهی احتمالی کیلیشوونینگ باشقه قسمی بولمهیدی.
اۉزبېکستان برق وزیری جورهبیک میرزا محمدوف و اوشبو مملکتنینگ افغانستان ایشلری بوییچه مخصوص وکیلی عصمتالله ایرگشاوف،کابل گه رسمی سفرلری دایرهسیده، برق ساحهسیده اسلام امیرلیگی بیلن تورت شرطنامه امضالهگن. اسلام امیرلیگی باش وزیرینینگ اقتصادی اورین باسرلیگی، ۲۶-اسد، یکشنبه کونی ایکس صحیفهسیده بیر بیانیه ترقهتیب بو حقده خبر بیرگن.
اۉزبېکستان برق وزیری جورهبیک میرزا محمدوف و اوشبو مملکتنینگ افغانستان ایشلری بوییچه مخصوص وکیلی عصمتالله ایرگشاو،ف رسمی بیر سفرده کابل گه کیلگن.
اسلام امیرلیگی فواید عامه وزیرلیگی، اوتگن بیر هفته ایچیده تیمیر یوللری آرقهلی ۸۷ مینگ ۷۸۳ متریک تُن توار آلیش بیریش- بولگنینی معلوم قیلگن.
غزه شهریده جایلشگن «الاهلی» کسلخانهسیگه اسرائیل کوچلری آرقهلی بمباردمان بولگنی نتیجهسیده، کمیده ییتی کیشی قربان بولگن.
دمآلیش پارکلریگه باریش و ایش حیاتیدن تشقری بیملال وقت اوتکزیش- انساننینگ اېنگ مهم روحی و بعضاً جسمانی احتیاجلریدن بیری دیر. بیراق بو بارهده عیاللر، اسلام امیرلیگی تامانیدن قوییلگن چېکلاولر سببلی، دمآلیش پارکلریگه باریش حقوقیدن محروم بولگنلر.
سوو و برق وزیرلیگی مسئوللری سلاموطندار بیلن اوتکزگن صحبتلریده، افغانستانده ۱۷۵ میگاوات قویاشدن برق ایشلب چیقریش ایشی دوام ایتماقدهلیگینی ایتگنلر. اوشبو وزیرلیک سۉزلاوچیسی مطیعالله عابد گه کوره، افغانستان قویاش برقینی ایشلب چیقریش اوچون یوقاری کوچ گه ایگه و بو وزیرلیک اوشبو بولیمده خصوصی سکتورنی سرمایه یاتقیزیشی اوچون سعی-حرکت قیلماقده.
اسلام امیرلیگی باش وزیرینینگ اقتصادی اورین باسرلیگی، افغانستان کانلر سکتوریده مستقیم و نامستقیم شکلده قریب ۱۷۰ مینگ کیشینینگ ایش بیلن شغللنگنینی معلوم قیلگن.
امریکا و روسیه جمهور باشلیغلری دونالد ترامپ و ولادیمیر پوتیننینگ اوکراین اوروشیگه چېک قوییش اوچون اوچ ساعتلیک مذاکرهلری، نتیجهسیز یکونلندی. رویترز، بوگون (۲۵-اسد، شنبه) بو مذاکرهلرنی «مثبت» بهالهگن بولسهده، بیراق بوتوغریده کوپراق تفصیلات بیرمهگن.
فلسطین ساغلیقنی سقلش وزیرلیگی، غزه بویلب اسرائیل اردوسینینگ هجوملری عاقبتیده چمهسی ۱۶ فلسطینلیک قربان بولگنینی بیلدیرگن.
اسلام امیرلیگی لیدری شیخ هبتالله آخوندزاده، بوتون مسئوللردن خلقنینگ آسایشتهلیگی و تینچلیگی اوچون سعی-حرکت قیلیشلرینی سورهگن. آخوندزاده جنابلری، بوگون (۲۴-اسد، جمعه) اسلام امیرلیگینینگ قدرت نی آلگنی تورتینچی ییللیگی مناسبتی بیلن، بیر بیانیهده وزیرلر و کابینه اعضالریدن «سرپرست» سۉزینی ایشلتمسلیکلرینی سورهگن.
اسلام امیرلیگی باش وزیرینینگ اداری اورین باسری عبدالسلام حنفی، افغانستان توپراغیدن باشقه مملکتلر گه قرشی فایدهلنیش اوچون هېچ کیمگه رخصت بیریلمسلیگینی ایتگن. اسلام امیرلیگی باش وزیری اداری اورین باسرلیگی، بوگون (۲۴-اسد، جمعه) بیر بیانیه ترقهتیب، اسلام امیرلیگی بوتون یشاوچیلرنینگ حقوقینی تأمینلش گه متعهد ایکنلیگیدن ایشانچ بیلدیرگن.
اسلام امیرلیگی صناعت و سودا وزیرلیگی سرپرستی نورالدین عزیزی، قرغیزستان باش وزیری عادلبیک قسیم علیاوف بیلن اوچرهشووده، ایکّی تامانلمه مسئلهلر حقیده بحث قیلگن. صناعت و سودا وزیرلیگی، بوگون (۲۴-اسد، جمعه) بیر بیانیه ترقهتیب ایکّی تامان ایلچی سطحی گه قدر دیپلماتیک مناسبتلر مستحکملنیشی و اقتصادی همکارلیکلر آشیریلیش مسئلهلری حقیده بحث قیلگنلرینی یازگن.
