چین تشقی ایشلر وزیرلیگی، وانگ یینینگ کابل گه سفریدن سۉنگ، بیجینگ کابل و اسلامآباد اورتهسیدهگی مناسبت کېنگهیتیریلیشینی قۉللب-قوتلشینی بیلدیرگن. چین تشقی ایشلر وزیرلیگی گه کوره، میلادی ۲۰۲۲-ییلده اوشبو مذاکرهلر باشلنگنیدن بیری مثبت یوتوقلر بیلن بیرگه بولگن.
اسلام امیرلیگی باش وزیرینینگ اقتصادی اورین باسری عبدالغنی برادر، بیر خصوصی شرکت مسئوللری بیلن اوچرهشیب و پنجشیر دریاسی سوونی کابل گه انتقال بیریش بارهسیده بحث قیلگن.
اوکراین محلی رسمیلرینینگ معلوماتی اساسیده، اوتگن بیر کیچهوکوندوزده اوشبو مملکتنینگ تورلی شهرلریگه روسیه آرقهلی اویوشتیریلگن هجوملرده، ۱۳ کیشی اولیب و تورت کیشی ایسه یرهلنگن.
مزارشریف شهری بلدیه باشلغی عبدالرحمان همت، بوگون (۳۰-اسد، پنجشنبه)، اوشبو لایحه ایشی باشلنیشی مناسبتی بیلن اوتکزیلگن مراسمده، امیر علیشیر نوایی یادگارلیگینینگ قیته قوریش ایشی مزارشریف شهری اوچینچی ناحیهسیده عملگه آشیریلماقده. اونگه کوره، لایحه «کتیبه، یادگارلیک منار، یشیل حدود و پنجرهلر»نی اۉز ایچیگه آلهدی و تخمینن بیر یریم میلیون افغانی خرهجت کوتاریب و ایشی بیر آی ایچیده توگهشی ممکن.
اسرائیل اردوسی، نوار غزهنینگ اینگ بویوک مرکزی بولمیش «غزه شهری»نی باسیب آلیش بوییچه عملیاتینینگ بیرینچی باسقیچی باشلنگنینی اعلام قیلگن. بو ییرده ایسه قریب بیر میلیون کیشی قیین و خوفلی شرایطده قالگن.
اۉزبېکستان تشقی ایشلر وزیرلیگینینگ مطبوعات بوییچه یاردمچیسی احرار برهانوف، اوشبو وزیرلیک بلخ ولایتی مرکزی مزارشریف شهریده امیر علیشیرنوایی هیکلی بوزیب تشلنگنی اوچون اسلام امیرلیگیدن معلومات سورهگنینی بیلدیرگن. برهانوف، ۲۹-اسد، چهارشنبه کونی ایکس صحیفهسیده بیر بیانیه ترقهتیب، مزارشریفده نوایی هیکلی اسلام امیرلیگی معلومات و مدنیت وزیرلیگی اویغونسیزلیگی بیلن بوزیب تشلنگنینی بیلدیرگن.
اسلام امیرلیگی، چین و پاکستان تشقی ایشلر وزیرلری اورتهسیده اوچ تامانلمه آلتینچی ییغیلیش ۲۹-اسد، چهارشنبه کونی کابلده اوتکزیلیب و تامانلر سیاسی، اقتصادی و ترانزیتی همکارلیکلر کېنگهیتیریلیشی گه تأکیدلهگن. اسلام امیرلیگی تشقی ایشلر وزیرلیگی، بیر بیانیه ترقهتیب اوشبو ییغیلیشده اوچ تامانلمه همکارلیکلر کېنگهیتیریلیشی گه تأکیدلنگنینی بیلدیرگن.
اسلام امیرلیگی تشقی ایشلر وزیرلیگی بیر بیانیه ترقهتیب، بو وزیرلیک سرپرستی امیرخان متقی چین تشقی ایشلر وزیری وانگ یی بیلن اوچرهشووده، ایکّی مملکت مناسبتلری کېنگهیتیریلیشی گه تأکیدلب و چیننی افغانستاننینگ مهم تجاری شریکلریدن بیری اتهگن.
چین و هندوستان، ایکی تامانلمه مناسبتلرینی مستحکملش اوچون مستقیم پروازلر قیته باشلنیشی، سودا آلیش-بیریش حجمی آشیریلیشی و سرمایه یاتقیزیش اوستیده کیلیشگن.
فلسطین ساغلیقنی سقلش وزیرلیگی، سۉنگی قریب ایکی ییل ایچیده اسرائیل اردوسینینگ غزه گه هجوملری عاقبتیده قریب ۱۹ مینگ باله قربان بولگنینی بیلدیرگن.
مملکتده سیاسی اوزگریش تورتینچی ییللیگی و اونینگ عیاللر حالتیگه تأثیری حقیده، سلاموطندار سۉنگی ۵۰ ییلده عیاللر حالتیگه حکومتلرنینگ رولینی اورگهنیش اوچون ایش بیلرمانلر بیلن صحبت قیلگن. اولرنینگ ایتیشیچه، سۉنگی ۵۰ ییلده عیاللرنینگ تیریکچیلیک شرایطی هردایم بیقرار بولگن.
مدافعه وزیرلیگی سرپرستی محمدیعقوب مجاهدنینگ ایتیشیچه، افغانستان بیر قرنده اوچ مرته مستقللیگینی آلگن و بو مرته آزادلیکنی یوقاتیشگه امکان بیرهدیگن شرایط یرهتیلمسلیگی کیرهک.
اسلام امیرلیگی تشقی ایشلر وزیرلیگی سرپرستی امیرخان متقینینگ ایتیشیچه، مستقللیک بیریلمهدی؛ بلکه «قورال، بیرلیک، بیردملیک و کوچلی رهبرلیک» بیلن آلینهدی.
اسلام امیرلیگی حربی ستاد باشلیغی فصیحالدین فطرت، افغانستان مستقللیگینینگ ۱۰۶-ییللیگی مناسبتی بیلن ایتیشیچه، حاضر مملکت «مکمل و اسلامی مستقللیککه» ایگه دیر.
اسرائیلنینگ قریب ایکی ییللیک غزه گه قرشی اوروشی نتیجهسیده، ۶۲ مینگدن آرتیق فلسطینلیک قربان بولگن. مذکور اوروش تینیمسیز بمباردمان، بوتونلی محاصره و آچرچیلیک بیلن بیرگه، غزه اهالیسی اوچون هیچ قندهی خوفلی جاینی قویمهگن.
«ههنگاو» بشری حقوق تشکیلاتی، ۲۰۲۵-ییل باشلنگنیدن بویان ایران ده افغانستانلیک کمیده ۴۶ کیشینینگ دار گه آسیلگنینی معلوم قیلگن. ههنگاو، بوگون ایرتهلب (۲۸-اسد، سهشنبه)، بیر گزارش ترقهتیش بیلن یازیشیچه…
