چېگره بیلمس شفاکارلر: کنرده‌گی مینگلب آواره‌نینگ احوالی هوا ساویشی بیلن خواطرلی بولماقده

چېگره بیلمس شفاکارلر تشکیلاتی‌نینگ گزارشی گه کوره، کنر زلزله‌سی سۉنگی اون ییلده افغانستان‌ده اېنگ اولیملی طبیعی آفت‌لردن بیری بولیب، اونده ۲۲۰۰ کیشی هلاک بولگن و ۳۰۰۰ دن آرتیق کیشی یره‌لنگن شونینگدیک مینگلب آدملر آواره بولگن. بو تشکیلات مسئوللری، زلزله‌دن کېینگی ایلک کونلرده ضررلنگن حدودلرده‌گی اوچ کسلخانه گه تیزکار طبی یاردم یوباریلگنینی ایته‌دیلر.

ایران و پاکستان دن قریب ۶۰۰۰ قاچقین مملکت گه قیتریلدی

قاچقینلر قیین‌چیلیکلرینی حل قیلیش بوییچه عالی کمیسیونی‌، بیر کونده ایران و پاکستان دن ۵ مینگ ۹۸۶ افغانستان‌لیک‌نینگ چیقریلگنی‌نی معلوم قیلگن. مذکور کمیسیون، بیر بیانیه آرقه‌لی اوشبو کیشیلر‌نینگ اوتگن کون (۲۴-عقرب، شنبه)، افغانستان گه کیلگنی‌نی یازگن.

تاجیکستان هیئتی کابل گه کېلدی

اسلام امیرلیگیدن بیر منبع سلام‌وطندار بیلن صحبتده، تاجیکستان‌نینگ یوقاری مرتبه‌لی هیئتی بوگون (۲۴-عقرب/۱۵-نومبر، شنبه) کابل گه کېلگنیدن خبر بیردی.

هندوستان‌ده قانلی پارتلش؛ ۳۸ کیشی اولیب و یره‌لندی

هندوستان نظارتیده بولگن کشمیر اصلی شهری سریناگر جنوبی حدودلریده پولیس بیکتیده قانلی پارتلش عاقبتیده، ۹ کیشی هلاک بولیب و ۲۹ کیشی یره‌لندی. خلق‌ارا یېتکرمه‌لر، بوگون (۲۴-عقرب/۱۵-نومبر، شنبه) ترقه‌تگن گزارش‌لریده، بو واقعه جمعه کونی یوز بیرگنینی ایتگنلر. واقعه طفیلی یره‌لنگن بیش کیشی‌نینگ احوالی آغیر اعلان قیلینگن و تلفات رقمی آشیش احتمالی ایتیلگن.

متقی: کیلیشماوچیلیک‌لرنی مذاکره آرقه‌لی حل قیلیشگه ایشانه‌میز

اسلام امیرلیگی تشقی ایشلر وزیری امیرخان متقی، اسلام همکارلیک تشکیلاتی‌نینگ افغانستان اوچون مخصوص وکیلی و اورین باسری طارق‌علی بخیت بیلن اوچره‌شووده، کابل پاکستان بیلن بولگن کیلیشماوچیلیک‌لرنی مذاکره آرقه‌لی حل قیلیشگه طرفدارلیگینی بیلدیرگن.

اسلام امیرلیگی و ایران افغان قاچقینلر و محبوسلر وضعیتی حقیده صحبت قیلدیلر

تهران ده اسلام امیرلیگی ایلچیخانه‌سی سرپرستی فضل‌محمد حقانی، ایران تشقی ایشلر وزیرلیگی‌نینگ خلق‌ارا و حقوقی اورین‌باسری کاظم غریب‌آبادی بیلن اوچره‌شیب و ایکی تامانلمه مسئله‌لر توغریسیده صحبت قیلگنلر.

چین افغانستان شمالیده زلزله‌دن ضرر کورگنلر گه ۱۰۰ مینگ دالر یاردم بیردی

چین قیزیل خاچ جمعیتی، سۉنگی زلزله‌لرده ضرر کورگن عایله‌لر گه یاردم بیریش مقصدیده، ۱۰۰ مینگ دالرنی افغانستان قیزیل آی جمعیتی گه تاپشیردی. بو یاردم سمنگان و بلخ ولایت‌لریده زلزله جبر دیده‌لریگه مولجللنگن.

جوزجان بیلیم یورتی لوحه‌سیدن اۉزبېک تیلی اوچیریلیشی؛ ایریم مناسبت‌لر بیلن دوچ بولدی

افغانستان اۉزبېک‌لری‌نینگ سابق دولتده‌گی ییریک عملدارلری، بیلیم یورت استادلری، شاعرلر، یازووچیلر، ژورنالیست‌لر و مدنی فعاللری، جوزجان بیلیم یورتی لوحه‌سیدن اۉزبېک تیلی آلیب تشله‌نیشینی بو قوم‌نینگ حکومت تامانیدن کم‌سیتیلیشی، افغانستان‌ده تیل خیلمه-خیللیگیگه اعتبار بیرمسلیک و اۉزبېک تیلینی برچه ساحه‌لردن حذف قیلیش دیب بهاله‎‌گنلر.

برادر سوداگرلر گه: سودانی تیزراق پاکستان‌نینگ بدیل یوللری آرقه‌لی باشلنگ

اسلام امیرلیگی باش وزیری‌نینگ اقتصادی اورین باسری عبدالغنی برادر، مملکت سودا و صناعتچیلری بیلن اوچره‌شووده، سودانی امکان قدر تیزراق پاکستان‌نینگ بدیل یوللری آرقه‌لی باشلش‌لرینی سوره‌گن. اسلام امیرلیگی‌نینگ اقتصادی اورین باسرلیگی بوگون (۲۱-عقرب/۱۲-نومبر، چهارشنبه) بیر بیانیه ترقه‌تیب، بو حقده خبر بیرگن.