اسلام امیرلیگی سۉزلاوچیسی ذبیحالله مجاهد، ۲۷-میزان، یکشنبه کونی بیر بیانیه ترقهتیب، قطر پایتختی دوحه شهریده اسلام امیرلیگی و پاکستان وکیللری اورتهسیده مذاکرهلر، ایکی تامانلمه کیلیشوو امضالنیش بیلن یکونلنگن و تامانلر تولیق آتیش کېسین برقرار اېتیلیشی، اۉز ارا حرمت و یخشی قۉشنیچیلیک مناسبتلرینی مستحکملشگه تأکیدلهگنلر.
قطر تشقی ایشلر وزیرلیگی، اسلام امیرلیگی و پاکستان دوحهده اۉتکزیلگن مذاکرهلر جریانیده، تیزلیک بیلن آتیش کېسین برقرار ایتیلیشی گه کیلیشگنلرینی بیلدیردی.
پاکستان تشقی ایشلری وزیرلیگینینگ اعلام قیلیشیچه، اوشبو مملکت مدافعه وزیری خواجه محمدآصف، اسلام امیرلیگی نمایندهلری بیلن مذاکره قیلیش اوچون قطر پایتختی دوحه گه کیتگن.
اسلام امیرلیگی قاچقینلر وزیرلیگی، ۱۷۰ افغانستانلیکنینگ پاکستان و عراق قماقخانهلریدن قوییب یوباریلگنینی معلوم قیلگن.
اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، مدافعه وزیری محمدیعقوب مجاهد ییتکچیلیگیده حکومتنینگ عالی مرتبهلی هیئتی، قطر پایتختی دوحه کیتگن.
ایکینچیلیک، سوغاریش و چاروهچیلیک وزیرلیگینینگ احصائیه و معلومات ریاستی معلوماتی اساسیده، مملکت مقیاسیده انجنیر حاصلی ۳۵ فایز آشگن. اوشبو وزیرلیک، ۲۶-میزان، بیر بیانیه ترقهتیب بو حقده خبر بیردی. ایکینچیلیک، سوغاریش و چاروهچیلیک وزیرلیگینینگ بیانیهسیگه کوره، اوشبو قویاش ییلده مملکت مقیاسیده ۱۵۱ مینگ ۷۵۴ متریک تُن انجیر حاصل آلینگن.
پکتیکا ده دولتی ایشانچلی منبعلرنینگ سلاموطندارگه تصدیق قیلیشیچه، جمعه کیچه، ۲۵-میزان، اوشبو ولایت ارگون و برمل تومنلریگه پاکستان حربی رژیمینینگ اویوشتیرگن هوا هجوملری نتیجهسیده، ۱۲ کیشی «شهید» بولیب و قریب ۱۵ کیشی یرهلنگن.
افغانستان برق یېتکزیش شرکتی (برشنا)، افغانستان گه اۉزبېکستاننینگ وارداتی برقی یریمدن کوپ کمهیگنینی بیلدیردی.
تخار ولایتی سوو و برق ریاستی مسئوللری، اوشبو ولایتده «کوکچه برق توغانی»نینگ قوریلیش تخنیکی ایشلری باشلنگنیدن خبر بیردیلر.
قندهار ساغلیقنی سقلش مسئوللری، اوشبو ولایتنینگ اسپینبولدک تومنی حدودلریگه پاکستان حربی کوچلری تامانیدن عملگه آشیریلگن بیرقطار هوا و توپخانهای هجوملریده کمیده ۴۰ کیشی «شهید» بولیب و باشقه ۱۷۰ کیشی یرهلنگنینی ایتگنلر.
افغانستانده بیرلشگن ملتلر تشکیلاتینینگ نمایندهلیگی (یوناما) اسلام امیرلیگی و پاکستان حربی کوچلرینینگ سۉنگی توقنشوویده، فقط قندهار ولایتی اسپینبولدکده چمهسی ۱۷ تینچ اهالی «شهید» بولیب و باشقه ۳۴۶ کیشی یرهلنگنینی بیلدیردی.
خلقارا یېتکرمهلرنینگ معلوماتی گه کوره، اسرائیل حربی کوچلرینینگ اوق آتیشی نتیجهسیده ۹ فلسطینلیک هلاک بولگن.
اسلام امیرلیگی ایکینچلیک، سوغاریش و چاروهچیلیک وزیرلیگی، اوشبو قویاش ییلده ۷۴ مینگ ۴۷۶ هکتار ییرده قاوون ایکیلگنینی بیلدیردی.
اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، پاکستان کوچلری بوگون ایرتهلب (۲۳-میزان، چهارشنبه)، قندهار ولایتی اسپینبولدک تومنیده آغیر و یینگیل قوراللر بیلن هجوم قیلگنلر.
اسلام امیرلیگی فواید عامه وزیرلیگی مسئوللری، آقینه-اندخوی اورتهسیده ۱۰ کیلومتر اوزونلیکده «تیمیر یول» قوریلیش ایشی باشلنگنینی معلوم قیلدیلر. فواید عامه وزیرلیگینینگ تیمیر یول ایشلری بوییچه اورین باسری محمداسحاق صاحبزاده گه کوره، آقینه-اندخوی تیمیر یولی مهم و حیاتی لایحهلردن بولیب و ایشی اندخوی تیمیر یول اسیتیشنیدن باشلنیب و اندخوی گچه دوام اېتهدی.
اسپینبولدک تومنی اطلاعات آمری علیمحمد حقملنینگ ایتیشیچه، دیورند چیزیغی ایکی تامانیده اسلام امیرلیگی کوچلری بیلن پاکستان حربیلری آرهسیده، جدی شکلده توقنشوولرنینگ دوامی بار. اونینگ کوپهیتیریشیچه، اوشبو توقنشوولر بوگون ایرتهلب (۲۳-میزان، چهارشنبه)، ساعت ۰۴:۰۰ ده باشلهنیب و حاضرگچه دوام قیلماقده.
