اسرائیل هجوملریده ییتی فلسطینلیک قربان بولدی
نوار غزهنینگ مرکزی و جنوبی بولیملریگه اسرائیلنینگ اویوشتیرگن هجوملری نتیجهسیده، کمیده ییتی فلسطینلیک قربان بولیب و باشقه بیر قطار کیشی یرهلنگن.
نوار غزهنینگ مرکزی و جنوبی بولیملریگه اسرائیلنینگ اویوشتیرگن هجوملری نتیجهسیده، کمیده ییتی فلسطینلیک قربان بولیب و باشقه بیر قطار کیشی یرهلنگن.
هرات معلومات و مدنیت باشلیغی احمدالله متقینینگ ایتیشیچه، اوشبو ولایت «دهمهری» قیشلاغی اهالیسیگه قیلینگن آتیشمهده اولگنلر سانی، ۱۱ کیشیگه ییتیشگن.
ایران هیئتی امریکا بیلن اوت آچیشنی توختهتیش بوییچه مذاکرهلر اوچون پاکستان پایتختی اسلامآباد گه ییتیب بارگن. ایران ایسنا آژانسی، بوگون (۲۲ حمل/۱۱ اپریل، شنبه) ترقهتگن خبریده، بو مملکت هیئتی اسلامآباد گه ییتیب بارگنینی بیلدیرگن. معلوم قیلینیشیچه، ایران پارلمان باشلیغی محمدباقر قالیباف و بو مملکت تشقی ایشلر وزیری سیدعباس عراقچی باشچیلیگیده هیئت اسلامآباد ده مذاکره اوتکزهدی.
اسلام امیرلیگی قاچقینلر وزیرلیگینینگ اعلام قیلیشیچه، پاکستان قماقخانهلریدن ۸۴ افغانستانلیک قوییب یوباریلگن.
لبنان جنوبیگه اسرائیلنینگ اویوشتیرگن هوا هجوملری نتیجهسیده، کمیده ۱۴ کیشی قربان بولیب و بیر قطار کیشی یرهلنگن. الجزیرهنینگ اوتگن کون کیچ قورون (۲۱-حمل/ ۱۰-اپریل، جمعه)، گزارش بیریشیچه، یاردم بیرووچی کوچلر آرقهلی حاضرگچه ویرانهلر آستیده قالگن کیشیلرنینگ اختریلیشی دوام قیلیب و قربانلر سانینینگ کوپهیشی ممکن.
افغانستان سابق جمهور باشلیغی حامد کرزی، هرات ده تینچاهالیگه قرشی اویوشتیریلگن هجومنی قیغولنتیرووچی دیب و اونی جدی بیر شکلده قارهلهگن.
هرات اخبارات و مدنیت باشلیغی احمدالله متقی گه کوره، ناتانیش قوراللی کیشیلر اوشبو ولایتنینگ انجیل تومنی «دهمهری» قیشلاغیده بیرقطار کیشیلرنی اوققه توگن.
ایران قیزیل آی جمعیتی، امریکا و اسرائیلنینگ ایران گه قیلگن هجوملری عاقبتیده، ۱۲۵ مینگ ۶۳۰ تینچ اهالی جایی ضرر کورگنینی بیلدیردی.
اسلام امیرلیگی مدافعه وزیری محمدیعقوب مجاهد، کابلده چین ایلچیسی جاو شینگ بیلن اوچرهشدی.
اسلام امیرلیگی طبیعی آفتلر گه قرشی کورهش ملی ادارهسی، هندوستان افغانستان گه ۳ تُن انسان سیورلیک یاردم یوبارگنینی بیلدیردی.
ایران و امریکا اورتهسیده اعلان قیلینگن ایکی هفتهلیک صلحدن نیچه ساعت اوتیب، اسرائیل لبنان حدودی بویلب کینگ کولملی هوا هجوملرینی باشلهدی.
بیرلشگن ملتلر تشکیلاتی باش کاتبی آنتونیو گوترش، اسرائیلنینگ لبنان گه هجوملری و تینچ اهالی اولدیریلیشینی قارهلهدی.
امریکا جمهور باشلیغی دونالد ترامپنینگ اعلام قیلیشیچه، «حقیقی کیلیشوو» نینگ بوتونلی عملگه آشیریلگنیگه قدر، امریکا حربی کوچلری ایران اطرافیده قالهدی.
امریکا شرمندهلی مغلوبیت گه اوچرهدی. بونی ایران رسمیلری ایتماقده. امریکا جمهور باشلیغی دونالد ترامپ ایسه ماجرادهگی مهم استراتیژیک نقطه حسابلنگن هرمز بوغوزینی آچیش شرطی بیلن ایراننی بمباردمان قیلیشنی ایکی هفته گه توختهتیشگه راضی بولگنینی بیلدیردی و اوروش یکونی امریکا فایدهسیگه ایشلهیاتگنینی ادعا قیلدی.
الجزیره، بوگون (۲۰ حمل/۹ اپریل، پنجشنبه) غزهده اسرائیل هجوملری نتیجهسیده خبرچیلریدن بیری اولگنینی معلوم قیلدی. اوشبو گزارش گه کوره، الجزیره مباشر خبرچیسی محمد ویشا، غزه شهری غربیده اسرائیل تامانیدن اویوشتیریلگن دران هجومی نتیجهسیده اولگن. میلادی ۲۰۲۳ ییل اکتوبر آییدن بیری غزهده اسرائیل هجوملری نتیجهسیده حاضرگچه الجزیرهنینگ ۱۲ خبرچیسی اولگن.
روسیه خوفسیزلیک کینگشی باشلیغینینگ اورین باسری دیمیتری مدودف، امریکا جمهور باشلیغی دونالد ترامپنینگ ۱۰ بند دن عبارت ریجهنی محاکمه قیلیشگه راضیلیک بیرگنینینگ اوزی ایران اوچون موفقیت ایکنینی ایتدی.