تورکیه سیلاو عالی کینگش باشلیغی احمدینر، بوگون (دوشنبه، ۲۵ ثور/۱۵ می) اوشبو مملکت نینگ جمهورلیک ریاستی سیلاوی ده رجب طیب اردوغان ۴۹.۴۰ فایز آواز، کمال قیلیچدار اوغلو ۴۴.۹۶ فایز آواز، سینان اوغان ۵.۲ فایز آواز و محرم اینجه ۰.۴۴ فایز آواز آلگنلرینی اعلام قیلگن.
تخار خوفسیزلیک مسئوللری نینگ ایتیشلریچه، اوشبو ولایت نینگ هزار سموچ تومنیده بیر کیشی نامعلوم شکلده اولدیریلگن.
تورکیه جمهورلیک ریاستی ۱۳_دوری و پارلمانی ۲۸_دور سیلاولری، تورکیه بویلب محلی وقت بیلن ساعت ۸:۰۰ ده باشلنگن. بوگون (یکشنبه، ۲۴ ثور/۱۴ می)، تورکیه جمهورلیک ریاستی ۱۳_دوری و پارلمانی ۲۸_ دور سیلاولری مذکور مملکت بویلب محلی وقت بیلن ایرتهلب ساعت ۸:۰۰ ده باشلهنیب و ساعت ۵:۰۰ گه قدر دوام تاپیشی کوتیلهدی.
روسیه جمهورلیک ریاستی سوزلاوچیسی دیمیتری پسکوف، تورکیه جمهورلیک ریاستی سیلاوی گه روسیه نینگ ارهلشیش ادعالرنی رد قیلگن. روسیه جمهورلیک ریاستی سوزلاوچیسی دیمیتری پسکوف نینگ ایتیشیچه: «تورکیه ده جناب قیلیچدار اوغلو نینگ بیاناتی ایریم مناسبتلر گه سبب بولدی. بیز تورکیه سیلاوی ده ارهلشیش اتهاملرنی رد قیلهمیز.»
جمهورلیک ریاستی سرای (ارگ) اوز توییتری ده، جمعه کیچه، ۲۲ ثور، قطر باش وزیری و اوشبو مملکت تشقی ایشلر وزیری محمد بن عبدالله آلثانی، مذکور مملکت نینگ استخبارات باشلیغی عبدالله الخلیفی و همراه هیاتی، قندهار ده اسلام امیرلیگی باش وزیری محمدحسن آخوند بیلن اوچرهشگنیدن خبر بیرگن.
بدخشان ولایتی درایم تومنیدهگی محلی منبعلر نینگ سلاموطندار گه ایتیشلریچه، پنجشنبه کونی، ۲۱ ثور، اسلام امیرلیگی کوچلری نینگ اوق آتیشی عاقبتیده اوشبو تومن نینگ تورت یشاوچیسی هلاک بولیب و باشقه بیش کیشی یرهلنگنلر.
افغانستان ده، سونگی ییللرده اوتگن اوروشلردن پارتلمهی قالگن ماینلر پارتلشی تینچ اهالی اینیقسه بالهلر نینگ اولیمی گه سبب بولگن عامللردن بیری سنلهدی.
پاکستان میدیالری نینگ معلوماتی اساسیده، اوشبو مملکت عالی محکمهسی عمران خان نینگ ناقانونی حبس گه آلینگنینی اعلام قیلیب و او نینگ تیزلیک بیلن قوییب یوباریش بویروغینی بیرگن. مذکور مملکت عالی محکمهسی نینگ حکمی اساسیده، خان قوییب یوباریلیب و بوگون جمعه، ۲۲ ثور، اسلامآباد ده محکمه گه حضور تاپیشی کیرهک.
پایتخت کابل شهری ده سیاحتی شرکتلردن بیرقطاری نینگ ایگهلری، سالیق یوقاریلیگی، تابلو و استیکرلردن نیچه برابر تکس آلینیشیدن نالیب ایتیشلریچه، مسئوللر یشاوچیلر نینگ قیینچیلیکلری گه قرهمسدن هر قندهی بهانه بیلن اولردن سالیق آلهدیلر.
فلسطینلیک میدیالر، بوگون (پنجشنبه، ۲۱ ثور) ایرتهلب محلی وقت بیلن اسرائیل؛ فلسطین نینگ خانیونس، رفح، بیتلاهیا و غزه شهرلریده هوایی هجوم اویوشتیرگنیدن خبر بیرگنلر.
پاکستان ده ناراضیلیک همایشلر دوام ایتر ایکن، افغانستان تشقی ایشلر وزیرلیگی چهارشنبه کونی، ۲۰ ثور، بیر بیانیه ترقهتیب، مذکور مملکت ده توقنشوو تامانلری دن تحمل و کیلیشوولرینی طلب قیلگن. شونینگدیک، تشقی ایشلر وزیرلیگی پاکستان دهگی حاضرگی کیسکین وضعیت نی خواطرلی عنوان قیلگن.
بوگون (چهارشنبه، ۲۰ ثور) کابل شهری «علیآباد کسلخانهسی» ده عالی اوقوو وزیرلیگی تامانیدن داخله کسللرینی دوالش و سرطان کسللرینی جراحلیک قیلیش مرکزی آچیلیب و فایدهلنیشگه تاپشیریلدی.
دایکندی دهگی محلی منبعلر نینگ سلاموطندار گه ایتیشلریچه، اوشبو ولایت نینگ شهرستان، پاتو و میرامور تومنلریده علیحده اوچ واقعه ده اوچ کیشی هلاک بولگنلر.
اوشبو کوندهلیک، بوگون (چهارشنبه، ۲۰ ثور)، بیر گزارش ترقهتیب ایتیشیچه، رسمی معلومات اساسیده تورخم بندری آرقهلی سوداگرلیک آلیش_بیریش حجمی بیر میلیارد ۳۰۰ میلیون دالر دن ۸۰۰ میلیون دالر گه کمهیگن. ۲۰۱۶_ییل ده افغانستان و پاکستان اورتهسیده سوداگرلیک میزانی بیر میلیارد دالردن آرتیق ایدی.
غزنی ولایتی امنیتی رسمیلری گه کوره، اوشبو ولایت نینگ گیلان تومنیده بیر ییگیت اوزینی اولدیرگن. غزنی امنیه قوماندانلیگی سوزلاوچیسی خالد سرحدی نینگ ایتیشیچه، سهشنبه کونی، ۱۹ ثور، عصر چاغی غزنی ولایتی گیلان تومنی «حسن» قیشلاغیده بیر یاش ییگیت، اوزینی درخت گه آسیب اولدیرگن.
پاکستان انصاف تحریک حزبی گه کوره، اوشبو مملکت سابق باش وزیری و انصاف تحریک حزبی نینگ ییتکچیسی عمران خان قولگه آلینیشی گه قرشی ناراضیلیک همایشلر جریانیده، تورت کیشی هلاک بولیب و باشقه اونلب کیشی یرهلنگنلر.
