«مرکزی ۳۱۳» قول اردو اورین باسری امینالله طیب، سلاموطندار بیلن اوتکزگن صحبتیده، قربان هییت بیرمی کونلریده مرکزی زون اینیقسه کابل خوفسیزلیگینی تأمینلش اوچون، ۱۰ مینگ عسکر وظیفهلنتیریلگنینی ایتگن. مرکزی ۳۱۳ قول اردو اورین باسری نینگ کوپهیتیریشیچه، اسلام امیرلیگی حاکمیتیدن کیین اولکه بویلب امنیت تأمینلنگن بولسه ده؛ بیراق هییت کونلریده هیچ واقعه صادر بولمسلیگی مقصدیده سعیوحرکت قیلماقدهلر.
بغلان ولایتی دوشی تومنی «خواجهزید» قیشلاغیده ییرلشگن «مرمر تاشی» کانینی قازیب چیقریش ایشی، بیش ییل گه قدر خصوصی ایکی شرکت گه تاپشیریلگن.
بلخ ولایتی ساغلیقنی سقلش ریاستی مسئوللری، اوشبو ولایت نینگ دهدادی تومنی «کودبرق» منطقهسیده ۵۰ بسترلیک بیر کسلخانه ایشی یکونلنیب و فایدهلنیشگه تاپشیریلگنیدن خبر بیرگنلر.
افغانستان نینگ بیرقطار منطقهلری اینیقسه شمال و شمالشرقی ولایتلری گه پاکستانلیک طالبلر تحریکی (تیتیپی) اعضالری کوچیریلیشی گه دایر خواطرلر دوامیده، ینگیلیکده فرهنگی وسیاسی فعاللر گروهی بیرلشگن ملتلر تشکیلاتی باش کاتبی آنتونیو گوترش گه مکتوب یوللب، مملکت نینگ شمال و شمالشرقی ولایتلری گه پاکستانلیک طالبلر تحریکی اعضالری کوچیریلیشی گه دایر خواطرلر و گزارشلر تیکشیریلیشینی سورهگنلر.
سونگی کونلر، افغانستان ده قتل واقعهلر کوپهیگن که، هر کون میدیالرده بیر یا-ده نیچه قتل واقعهسی ترقهتیلهدی. میدیالرده ترقهتیلگن گزارشلر اساسیده، سونگی ایکی هفتهده (۲۱-جوزا دن ۳-سرطان) گچه، ۱۲ ولایتده ۱۶ قتل واقعهسی یوز بیرگن؛ بیراق بوندن آلدینگی ایکی هفتهده (۹-جوزا دن، ۲۲-جوزا) گچه بیش ولایتده آلتی قتل واقعهسی یوز بیرگن که بو، قتل واقعهلری نینگ ۶۲ فایز کوپهیگنی نی کورستهدی.
بیرلشگن ملتلر تشکیلاتی نینگ افغانستان ایشلری بوییچه کاردیناتوری فریدون سینیرلی اوغلو، اوتگن هفته پنجشنبه کوندن بویان افغانستان ده دیر، او اوشبو سفری دایرهسیده اسلام امیرلیگی نینگ قطار رسمیلری بیلن اوچرهشگن.
پاکستان تشقی ایشلر وزیرلیگی گه کوره، اوشبو مملکت تشقی ایشلر وزیری بلاول بوتو زرداری، افغانستان اوچون پاکستان نینگ مخصوص نمایندهسی آصف درانی بیلن اوچرهشووده، اسلامآباد نینگ کابل بیلن یقین همکارلیک قیلیش اوچون علاقهمندلیگی اوستیده تأکید ایتگن.
پنجشنبه کونی، ۱ سرطان، افغانستان تورکلری بیرلشگن ملتلر تشکیلاتی باش کاتبی گه آچیق خط یوللب، افغانستان نینگ شمالی و شمالشرقی ولایتلریده قوراللنگن پاکستانلیک طالبلر تحریکی (تیتیپی) جایلشتیریلیشیدن آگاهلنتیرگن. اوشبو مکتوب ده، اسلام امیرلیگی حاکمیتیدن کیین افغانستان ینه سیاسی، اجتماعی، اقتصادی، مدنی و خوفسیزلیک انقراض و بحرانلر باسقیچیگه کیرگن دیب یازیلگن.
بیرلشگن ملتلر تشکیلاتی خوفسیزلیک کینگشی، چهارشنبه کونی، ۳۱ جوزا، اوشبو تشکیلات مقری ده ییغیلیش یولگه قوییب و افغانستان وضعیتینی محاکمه قیلگنلر.
کابل یشاوچیلریدن بیرقطاری، حکومت ادارهلریده بروکراسیلیک (قاغذ پرانلیک) دن شکایت قیلیب ایتیشلریچه، مکتوبلرینی قانونیلشتیریش اوچون آیلر سرگردان بولهدیلر.
مس عینک کانینی قازیب چیقریش گه مسئول چینلیک شرکت «MJAM» مسئوللری، بوگون (چهارشنبه، ۳۱ جوزا) لوگر ده مس عینک کانی اطرافی دهگی محتاج ۳۰۰ عایله گه یاردم بیریش برنامه ده ایتیشلریچه، مس عینک کانی پروژه ایشینی باشلش اوچون، حاضرگچه قیینچیلیک موجود و اسلام امیرلیگی حل قیلیشی کیرهک.
افغانستان ده بیرلشگن ملتلر تشکیلاتی اورین باسرلیک هیئت دفتری (یوناما) بوگون (چهارشنبه، ۳۱ جوزا) فیسبوک صحیفهسیده، مذکور تشکیلات خوفسیزلیک کینگشی بوگون افغانستان وضعیتی گه دایر ییغیلیش یولگه قوییشینی یازگن.
سلاموطندار نینگ تیکشیروی اساسیده، سونگی آیلرده دولت ادارهلری نینگ میدیالر بیلن اطلاعات نی شریک قیلیش میزانی کمهیگن؛ حکومت ادارهلری میدیالر و اطلاعات مرکزی ده خبری ییغیلیشلر آرقهلی اوز معلوماتلرینی میدیالر بیلن شریک قیلسه ده، لیکن اوتگن ایکی آی ده یالغیز کیچیک اوچ خبری کنفرانس یولگه قوییلگن.
امریکا نینگ افغانستان نی قیته قوریش اوچون مخصوص تیکشیریش ادارهسی (سیگار)، اوز گزارشی ده اسلام امیرلیگی حاکمیتی، امنیتی نقطهی نظردن جدی قیینچیلیک بیلن روپهرهلیگینی ادعا قیلگن.
میدیالر نینگ معلوماتی اساسیده، اوزبیکستان دولت رهبری ایران گه قیلگن سفری دایرهسیده، مذکور ایکی مملکت ییریک رسمیلری حضوری ده ۱۱ همکارلیک بیتیم امضالنگن. اوزبیکستان جمهور باشلیغی شوکت میرضیایف بوگون (یکشنبه، ۲۸ جوزا/ ۱۸ جون) ایران گه سفر قیلیب و مذکور مملکت جمهور باشلیغی سیدابراهیم رئیسی بیلن اوچرهشگن.
تخار ولایتی دشتقلعه تومنی گه پاکستان طالبلر تحریکی نینگ ۳۲۰ اعضاسی انتقال بیریلیشی گه دایر ترقهلگن گزارشلردن کیین، اسلام امیرلیگی سوزلاوچیسی ذبیحالله مجاهد، اوشبو گزارشلرنی اساسسیز دیب ایتیشیچه، پاکستان نینگ خواطری گه سبب بولگن مذکور مملکت چیگره حدودلریدهگی یالغیز پاکستانلیک مهاجرلر باشقه ولایتلر گه انتقال بیریلهدی.
