مخابرات، تکنالوژی و معلومات وزیرلیگی مسئوللری، بوگون (چهارشنبه، ۱۸ اسد)، «دولت نینگ ملت گه حساب بیریش» دستوری ده ایتیشلریچه، اوشبو وزیرلیک سیمکارتلرنی ناقانونی روشده ساتیلیشی گه توسیق بولگن.
مهاجرلر وزیرلیگی رسمیلری بوگون (چهارشنبه، ۱۸ اسد)، «دولت نینگ ملت گه حساب بیریش» دستوری ده، چیت ایل اولکهلریده ایریم واقعهلر سبب وفات ایتگن افغانستانلیک ۸۰۰ مهاجر نینگ جسدی، مملکت گه انتقال بیریلگنیدن خبر بیرهدیلر.
تخار خوفسیزلیک مسئوللری، اوشبو ولایت ده ناتانیش شخصلر بیر کیشینی اولدیریب و خاتینینی یرهلنتیرگنیدن خبر بیرهدیلر. تخار امنیه قوماندانلیگی سوزلاوچیسی عبدالمبین صافی، اوشبو واقعه سهشنبه کیچه، ۱۷ اسد، یوز بیرگنینی معلوم قیلهدی.
جمهورلیک ریاستی سرای (ارگ) اوز تویتری ده، بوگون (سهشنبه، ۱۷ اسد)، توش دن کیین افغانستان اسلام امیرلیگی باش وزیرلیگی نینگ اقتصادی اورین باسری عبدالغنی برادر، بیر هیئت ییتکچیلیگیده تورکیه گه سفر قیلگنینی یازگن. جمهورلیک ریاستی سرای تویتری ده، عبدالغنی برادر نینگ اوشبو سفر ده کیم همراهلیک قیلیشی حقیده ایضاح کیریتیلمهگن.
پاکستان رسمیلری، اوشبو مملکت دهگی ناتینچلیکلر گه افغانلر نینگ قولی بولیشی گه دایر خواطر بیلدیرماقده ایکن؛ ینگیلیکده پاکستان مرکزی کوچلر باشلیغی عاصم منیر، افغانلر نینگ اوشبو مملکت ده اویوشتیریلگن هجوملر گه قولی بولیب و بو ایش دن واز کیچیشلرینی بیلدیرگن.
هرات ساغلیقنی سقلش مسئوللری، اوشبو ولایت نینگ اسلامقلعه چیگرهسی ساغلیک مرکزی ده، ۱۶۰ مینگ دالرلیک سِل (توبرکلوز) کسللیگینی انیقلش ایکی طبی جهاز قوندیریلگنیدن خبر بیرهدیلر.
معارف وزیرلیگی توزیلمهسیدن تخار معارف ریاستی معلم تربیهلش مسلکی ترقیات آمریتی حذف ایتیلیشیدن کیین، اوشبو آمریت ایشلاوچیلری و اوقیتووچیلریدن بیرقطاری تقدیرسیزلیکلریدن شکایت قیلهدیلر. مذکور اوقیتووچیلر نینگ ایشانچی گه کوره، هر بیری معلملر نینگ ظرفیتینی آشیریش و تربیهلش ساحهسیده ۱۰ و ۲۰ ییل خذمت قیلگنلر.
معلومات و مدنیت وزیرلیگی نینگ هنر و فرهنگ ایشلری بوییچه معینی عتیقالله عزیزی، تاریخی آلتی آبده نی قیته تیکلش ایشلرینی باشلش اوچون غزنی گه سفر قیلگن سلاموطندار گه ایتیشیچه، غزنی مملکت نینگ باستانی ولایتلریدن بیری بولیب و اوشبو ولایت دهگی قطار آبدهلر قیته تیکلهنیب و تعمیرلنیش گه نیاز دیر.
کابل بلدیهسی مسئوللری، بوگون (یکشنبه، ۱۵ اسد)، «دولت نینگ ملت گه حساب بیریش» برنامهسیده، اوتگن بیر ییل ده بیش کانال و اداری ایکی بنا نینگ قوریلیشیدن خبر بیرگنلر.
بلخ ولایتی حیرتان سوداگرلیک بندری نورم و استندرد آمریتی مسئوللری، بوگون (یکشنبه، ۱۵ اسد)، حیرتان بندری دن ۷۶ ته صفتسیز تیل تانکری اوزبیکستان گه قیتیریلگنیدن خبر بیرگنلر.
سعودی عربستان نینگ جده شهری ده اوکراین اوروشی گه قندهی چیک قوییش اوچون ۴۰ مملکت جمله دن چین، امریکا، هندوستان و سعودی عربستان نمایندهلری مذاکره قیلماقده ایکن، کییف رسمیلری شنبه کونی، ۱۴ اسد/ ۵ آگست، اوشبو مملکت شرقی ده بیر قان بانکی و بیر بیلیم یورت روسیه حربی کوچلری تامانیدن نشانگه آلینگنینی ادعا قیلگنلر.
مملکت صناعت و سوداگرلیک وزیرلیگی، بوگون (پنجشنبه، ۱۲ اسد)، اوز تویتری ده، افغانستان خصوصی سکتوری و قزاقستان، سوداگرلیک بولیمیده ۱۰۰ میلیون دالرلیک کیلیشوونامه امضالهگنیدن خبر بیرگن.
تورکیه میدیالری نینگ معلوماتی اساسیده، چهارشنبه کونی، ۱۱ اسد، اوشبو مملکت جمهور باشلیغی رجب طیب اردوغان، روسیه همکسبی ولادیمیر پوتین بیلن تیلیفونی ملاقاتیده، قاره دینگیز آرقهلی غله صادراتی اهمیتی اوستیده تأکید ایتگن.
اسلام امیرلیگی، پاکستان باش وزیری شهباز شریف نینگ افغانستان ده عصیانچی گروهلر نینگ قرارگاهی بارلیگی و او ییردن پاکستان گه قرشی هجوملرینی ریجهلشتریش گه دایر بیاناتی گه مناسبت بیلدیریب ایتیشیچه، اوشبو مملکت ایچکی مسئلهلرینی افغانستان گه نسبت بیرمسلیگی کیرهک.
اوتگن اوروشلر و طبیعی آفتلر باعث اوی_جایلرینی ترک قیلیب بلخ مرکزی مزارشریف شهری اطرافی ده خیمهلر آستیده حیات کیچیریب کیلهیاتگن عایلهلردن بیرقطاری نینگ ایتیشلریچه، حتا دستلبکی امکانیتلردن فایدهلنه آلمهیدیلر.
بلخ ساغلیقنی سقلش ریاستی مسئوللری نینگ ایتیشلریچه، اوشبو ریاست نینگ بلخ آمبولانس بولیمی خذمتلری، یشاوچیلر گه قولیلیک یرهتیش مقصدیده خلقارا ساغلیقنی سقلش تشکیلاتی نینگ مالی حمایتی بیلن ایشگه باشلهگن.
