اسلام امیرلیگی ییتکچیسی هبتالله آخوندزاده ۲۹-حمل، چهارشنبه کونی قندهار ده دین عالملری و سوداگرلردن بیرقطاری بیلن اوچرهشووده مملکتده کانلر قازیب چیقریلیش ایشی باشلنیشی بیلن افغانستان اقتصادی رواجلنگن بیر مملکت گه اېلنیشی ممکن دیگن.
آغاخان جمغرمهسی فرهنگی بولیمی باشلیغی اجمل میوندی، اولر اوشبو ییلده غزنی ولایتیده تاریخی آبدهلردن بیرقطارینی قیته قوریش گه قرار قیلگنلرینی اېتگن.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده کېلهسی هفته شنبه کونی (۱-ثور)، ۱۶ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
افغانستان خبرچیلر مرکزی بوگون (چهارشنبه، ۲۹-حمل) بیر بیانیه ترقهتیب سرپرست حکومت معلومات و مدنیت وزیرلیگی تامانیدن نور و بریا خصوصی ایکّی تلویزیون نینگ فعالیتی توختهتیلیشینی یېتکرمهلر قانون-قاعدهلری گه قرشی دیب و اولر نینگ بو قرارینی مملکت ده یېتکرمهلر اېرکینلیگینی چېکلش دیب اتهگن.
پاکستان و سعودی عربستان تشقی ایشلر وزیرلری، غزه ده دایمی آتیش کېسین برقرار اېتیلیشینی اېستهگنلر. سعودی عربستان تشقی ایشلر وزیری شهزاده فیصل بن فرحان آل سعود، ۲۷-حمل، دوشنبه کونی یوقاری مرتبهلی هیئت ییتکچیلیگیده پاکستان گه سفر قیلگن اېدی، اوشبو مملکت تشقی ایشلر وزیری اسحاق دار بیلن اوچرهشیب، ایکّی مملکت نینگ مناسبتی، سوداگرلیک آلیش-بیریش مسئلهلرینی بحث گه آلگن.
اسلام امیرلیگی باش وزیری نینگ اداری اۉرین باسری عبدالسلام حنفی، مملکت بویلب خوفسیزلیک، ثبات و اقتصاد تامین اېتیلیشی وافغانستان یشاوچیلری گه قولیلیک یرهتیش، اسلام امیرلیگی نینگ وظیفهسی بولیب و بوتوغریده سعی-حرکت قیلهیاتگنلرینی بیلدیرگن.
اۉزبېکستان باجخانه کمیتهسی، اوشبو مملکت گه ۱۲۰ تُن صفتسیز تیل قیتریلیشی گه دایر ترقهلگن خبرلر گه مناسبت بیلدیریب، اوشبو مقدار تیل روسیه دن افغانستان گه وارد بولگنینی اېتگن. مذکور کمیته بوگون (سهشنبه، ۲۸-حمل)، صفتسیز تیل روسیه گه عاید بولیب و اۉزبېکستان نینگ ترانزیتی یولی آرقهلی افغانستان گه وارد بولگنینی معلوم قیلگن.
اسلامآباد ده افغانستان-پاکستان سوداگرلیک قۉشمه اتاق مسئولی ضیاالحق سرحدی نینگ سلاموطندار گه ایتیشیچه، کراچی دن پشاور گچه توارلرینی یوک تاشووچی موتر آرقهلی انتقال بیریش، تیل قیمت بولیشی باعث قیمت توشیب و ایکّی مملکت سوداگرلری نینگ نقص قیلیشی گه سبب بولگن.
کابل ده ایران ایلچیسی اۉرین باسری سیدحسن مرتضوی، مملکتی ایران ده اسلام امیرلیگی نینگ سیاسی مخالفلری گه سیاسی فعالیت قیلیش گه رخصت بیرمسلیگیدن ایشانچ بیرگن. ارگ ۲۷-حمل، دوشنبه کونی ایکس اجتماعی ترماغیده یازیشیچه، مرتضوی بو موضوع نی اسلام امیرلیگی باش وزیری نینگ سیاسی اۉرین باسری محمد عبدالکبیر بیلن اوچرهشووده بیان قیلیب و ایران ده اسلام امیرلیگی نینگ سیاسی مخالفلری باشقه «عادی قاچقینلر» کبی حیات کیچیرماقدهلیکلرینی بیلدیرگن.
هراتده افغانستان-قزاقستان سودا اوی ایکّی مملکت مسئوللری نینگ حضوری بیلن آچیلگن. هرات سوداگرلیک و سرمایه یاتقیزیش اتاق نینگ اجرائیه آمری محمدیویسف امین نینگ سلاموطندار گه ایتیشیچه، ۲۶-حمل، یکشنبه کونی، اوشبو ولایتده افغانستان-قزاقستان سودا اوی آچیلگن.
بیرلشگن ملتلر تشکیلاتی باش کاتبی آنتونیو گوترش نینگ ایتیشیچه، منطقه ویران قیلووچی و کوتیلمهگن بیر اوروش خوفی بیلن دوچ دیر.
ایران نینگ اسرائیل گه پهپادی و راکته هجوملری گه دایر بیرلشگن ملتلر تشکیلاتی خوفسیزلیک کینگشی نینگ ییغیلیشی نتیجهسیز یکونلنگن. بیرلشگن ملتلر تشکیلاتی خوفسیزلیک کینگشی نینگ ۲۶-حمل، یکشنبه کیچه اۉتکزیلگن ییغیلیشیده امریکا و متحدلری ایران نینگ اسرائیل گه هجوملرینی قارهلب و اسرائیلنی قۉللب-قوتلش گه تاکید اېتگنلر.
طبیعی آفتلرنی باشقریش ایشلری بوییچه دولت وزیرلیگی مسئوللری، بوگون (یکشنبه، ۲۶-حمل) کابلده مطبوعاتی ییغیلیشده، سۉنگی کونلرده قندهار، تخار، زابل، پروان، ننگرهار، هلند، کابل، خوست، دایکندی، کنر، کاپیسا، پنجشیر، پکتیکا، پکتیا، لوگر، لغمان و هرات ولایتلریده یوز بیرگن سوو تاشقینلری عاقبتیده ۳۳ کیشی اۉلیب و باشقه ۲۷ کیشی یرهلنگنینی معلوم قیلگنلر.
ایران بوگون ایرتنگ چاغی، دمشق ده بو مملکت ایلچیخانهسی گه اسرائیل آرقهلی هجوم اویوشتیریلگنی گه جواب قیتیریش اوچون یوزلب پهپاد و راکته نی اسرائیل توپراغی گه آتگن.
ایران اسرائیل بیر قطار حربی قرارگاهلری گه پهپادی هجوم اۉیوشتیریشیدن سۉنگ، سرپرست حکومت تشقی ایشلر وزیرلیگی بو هجوم ایران نینگ «قانونی حقی» بولگنینی معلوم قیلگن. اوشبو وزیرلیک بوگون (یکشنبه، ۲۶-حمل) ایکس اجتماعی ترماغیده، قریب ایکّی هفته آلدین اسرائیل نینگ سوریه پایتختی دمشق شهری ده ایران قنسولگرلیگی گه هجوم اۉیوشتیریشی خلقارا برچه قانون-قاعدهلر گه قرشی اېدی دیگن.
ینگیلیکده پاکستان یېتکرمهلری افغانستان بارهسیده «منطقهوی تماس گروهی» تشکیل اېتیلیش ریجه، اوشبو گروه ده هندوستان نینگ حضوری گه پاکستان قرشیلیک قیلیشی طفیلی قیینچیلیک بیلن دوچ بولگنینی معلوم قیلگنلر.
