روسیه دولت رهبری ولادیمیر پوتین، ایکّی کونلیک سفر ده چین گه جونب کېتگن. رویترز آژانسی، پوتین بوگون (۲۷-ثور، پنجشنبه کونی) «استراتیژیک مشارکت» حقیده مذاکره قیلیش مقصدیده چین گه سفر قیلگنینی یازگن. رویترز نینگ کوپهیتیریشیچه، پوتین چین جمهور باشلیغی شی جینپینگ بیلن اوچرهشووی کوتیلهدی. چین تشقی ایشلر وزیرلیگی اۉتگن کون بو ایکی مملکت دولت رهبرلری ایکّی تامانلمه مناسبت، منطقه و خلقارا مسئلهلر حقیده بحث اېتیشلرینی اېتگن اېدی.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی اېرته (۲۷-ثور، پنجشنبه کونی) مملکت نینگ ۲۲ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاهلنتیرگن.
سرپرست حکومت ملی مدافعه وزیرلیگی، غور ولایتیده بیر حربی تیکاوچر قولب توشگنینی تصدیقلب ایتیشیچه، بوگون ایرتهلب «MI 17» رسوملی بیر حربی تیکاوچر غور ولایتی مرکزی فیروز کوه شهری ده اضطراری قونیش پیتیده، تخنیکی قیینچیلیک باعث دیوار گه توقنشیب و قولب توشگن.
اسلام امیرلیگی صناعت و سوداگرلیک وزیرلیگی نینگ اعلام قیلیشیچه، اوشبو وزیرلیک سرپرستی نورالدین عزیزی «اسلام عالمی و روسیه خلقارا اقتصادی ۱۵-فورمی» گه قتنهشیش اوچون تاتارستان گه سفر قیلگن.
غور دهگی محلی منبعلر نینگ سلاموطندار گه ایتیشلریچه، اسلام امیرلیگی اردوسی نینگ حربی بیر تیکاوچری اوشبو ولایت مرکزی فیروزکوه شهری ده قولهگن. منبعلر نینگ کوپهیتیریشیچه، بو تیکاوچر بوگون (۲۶-ثور، چهارشنبه کونی) توشدن آلدین ولایت بناسی دیواری گه توقنشیب و کېین اېسه قولهگن.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی اېرته (۲۶-ثور، چهارشنبه کونی) مملکت نینگ ۲۲ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاهلنتیرگن.
کابل و اسلامآباد اۉرتهسیدهگی ناراضیلیکلر بیلن پاکستان تشقی ایشلر وزیرلیگی عصیانچی گروهلر اینیقسه داعش، پاکستان طالبان تحریکی (تیتیپی) گه قرشی کورهش اوچون اوشبو مملکت نینگ امریکا قۉشمه ایالتلری بیلن کېلیشگنیدن خبر بیرگن.
بو هیئت اسلام امیرلیگی عملدارلری جمله دن باش وزیر سیاسی اۉرین باسری محمدعبدالکبیر، تشقی ایشلر، صناعت و سوداگرلیک همده ترانسپورت و هوا یوللری وزیرلیکلری نینگ سرپرست وزیرلری بیلن اوچرهشووده، تجارت و ترانزیت ساحهلریده کابل و تاشکینت مناسبتی مستحکملنیشینی سۉرهگن.
بدخشان ولایتی ارگو تومنی یشاوچیلری نینگ اسلام امیرلیگی خوفسیزلیک کوچلری بیلن توقنشووی عاقبتیده اوچ کیشی هلاک بولیب و باشقه ۱۰ کیشی یرهلنگن. بدخشان دهگی محلی منبعلر نینگ سلاموطندار گه ایتیشلریچه، ارگو تومنی «برلاس شمر» قیشلاغیده خوفسیزلیک کوچلر و محل یشاوچیلری اۉرتهسیدهگی توقنشووده، اوچ کیشی هلاک بولیب و باشقه ۱۰ کیشی یرهلنگن.
اسلام امیرلیگی ترانسپورت و هوا یوللری وزیرلیگی مسئوللری نینگ ایتیشلریچه، افغانستان و پاکستان ایکی مملکت آرهسیده یوک تاشووچی موترلر نینگ باریش-کیلیشی اوچون قوشمه بیر مکانیزم خصوصیده کیلیشگنلر.
سرپرست حکومت سۉزلاوچیسی ذبیحالله مجاهد، اسلام امیرلیگی حج و اوقاف وزیرلیگی سرپرستی نورمحمد ثاقب، «اسلام عالمی عالملری» نینگ مصلحتی ییغیلیشی ده، تورکیه دولت رهبری رجب طیب اردوغان بیلن علیحده اوچرهشگنیدن خبر بیرگن.
سرپرست حکومت سوو و برق وزیرلیگی، بوگون و ایرته (۲۳ و ۲۴-ثور کونلری) مملکت مقیاسیده کوچلی یامغیر و قار یاغیب، سوو تاشقینی و بیر قطار دریالر نینگ سوولری تاشیش احتمالیدن آگاهلنتیرگن.
کانلر و پترولیم وزیرلیگی بوگون (۲۲-ثور، شنبه کونی) افغانستان ده ایکّی بویوک کان نینگ قازیب چیقریش شرطنامهسینی ۱۵ ییلگچه ایکّی بویوک شرکت بیلن امضالهدی.
مجاهد، ۲۱-ثور جمعه کونی ایکس اجتماعی ترماغیده بیر بیانیه ترقهتیب، طبیعی آفتلرنی باشقریش ایشلری بوییچه دولت وزیرلیگی، ایچکی ایشلر وزیرلیگی و ولایت مسئوللری گه، مذکور ولایتلرده طبیعی آفتلر عاقبتیده اۉلیب ویرهلنگنلر گه یاردم کورسهتیش اوچون بار امکانیتلریدن فایدهلنیش بویروغی بیریلگنینی یازگن.
کاپیسا امنیه قوماندانلیگی مسئوللری، اوشبو ولایتده بیر عیال وایکّی باله اۉلدیریلگنیدن خبر بیرهدیلر.
بدخشان مرکزی فیضآباد شهری ده اسلام امیرلیگی کوچلری گه داعش گروهی نینگ هجومیدن بیر کون اۉتگچ، اسلام امیرلیگی سۉزلاوچیسی اۉرین باسری حمدالله فطرت نینگ سلاموطندار گه ایتیشیچه، افغانستان ده داعش نینگ سۉنگی هجوملری، چیت ایللیک فقرالر تامانیدن اۉیوشتیریلگن.
