یمن حوثیلرینینگ اسرائیل گه قرشی راکته هجوملری دوام اېتماقده اېکن، بو مرته «بن گوریون» هوا قونالغهسینی نشانگه آلگن. الجزیره، بوگون (۱۴-ثور، یکشنبه) ترقهتگن گزارشیده اسرائیل اردوسی تلآویو قونالغهسی یقینیده راکته توشگنینی تصدیقلب و بو توغریده تدقیقاتلر باشلنگنینی معلوم قیلگن.
اسلام امیرلیگی ایکینچیلیک، سوغاریش و چاروهچیلیک وزیرلیگی، اوشبو وزیرلیک سرپرستی کابلده قزاقستان ایلچیسی بیلن اوچرهشگنیدن خبر بیرگن. اوشبو وزیرلیک، بوگون (۱۴-ثور، یکشنبه) وبسایتیده ترقهتگن بیانیهده، بو وزیرلیک سرپرستی عطاءالله عمری کابلده قزاقستان ایلچیسی گازیز اکباسوف بیلن اوچرهشیب، تورلی ساحهلر اینیقسه ایکینچیلیک بولیمیده سرمایه یاتقیزیش مسئلهلری حقیده بحث اېتگنینی معلوم قیلگن.
غزهده حماس و اسرائیل اورتهسیده اوروش دوام اېتماقده اېکن، اسرائیلنینگ ېنه ایکّی عسکری هلاک بولگن. العربیه گه کوره، اوشبو عسکرلر غزه جنوبی حدودلری رفحده بیر تونل پارتلشی عاقبتیده هلاک بولگنلر. معلوماتلر اساسیده، اسرائیل اردوسی، غزه جنوبی خانیونسده یشش بنالر و آوارهلر خیمهلرینی نشانگه آلگن، نتیجهده بیر عایلهنینگ آلتی اعضاسی قربان بولگن.
ایران تشقی ایشلر وزیری سیدعباس عراقچی، منطقه و خلقارا اوزگریشلری حقیده صحبت قیلیش مقصد، کیلهسی هفته هندوستان و پاکستان گه سفر قیلهدی.
کابلده جاپان ایلچیخانهسی و آسیا ترقیات بانکی، مالیه وزیرلیگی رسمیلری بیلن اوچرهشووده، افغانستانده فعالیتلرینی کېنگهیتیریش وعدهسینی بیرگن. اوشبو وزیرلیک، ۱۳-ثور، شنبه کونی ایکس صحیفهسیده بیر بیانیه ترقهتیب، کابلده جاپان ایلچیخانهسی و آسیا ترقیات بانکی باشلیغی تاکایوشی کورومیا، مالیه وزیرلیگینینگ پالیسی معینی سلطان محمد زبیر بیلن اوچرهشگنیدن خبر بیرگن.
بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، غزهنینگ محاصره بولگنی و بو منطقه گه انسانسیورلیک یاردملر یوباریلیشی تقیقلنگنیدن تنقیدلب و ایتیشیچه، مینگلرچه باله «توییب آوقتلنمسلیک، آچلیک و قحطچیلیک» بیلن روپهره دیر.
چیگره بیلمس خبرچیلر تشکیلاتی تامانیدن اعلام قیلینگن ینگی خلقارا مطبوعات ایرکینلیگی ریتینگیده، افغانستان ۱۷۵-اوریننی ایگهلهگن.
واشنگتن و کییف بیر نیچه آیگه چوزیلگن دیپلماتیک تارتیشوولردن کېین اوکرایننینگ فایدهلی قزیلمهلرینی تصرف اېتیشگه دایر شرطنامهنی امضالهدی. ۳۰-اپریل کونی امضالنگن کېلیشوو دایرهسیده، اوکرایننی تېکلش بوییچه سرمایه یاتقیزیش بیر صندیق تشکیل اېتیلهدی. امریکا مالیه وزیرلیگی حجت امضالنیشنی جمهور باشلیغ دونالد ترامپنینگ «اېرکین و مستقل اوکرایننی قۉللب-قوتلش گه متعهدلیگی دیه تلقین قیلگن.
اۉزبېکستان یېتکرمهلرینینگ معلوماتی اساسیده، بو مملکتده ېنه اوچاق ایشلب چیقریش باشلنگن. تاشکینتده بولیب اوتگن «انا پرام» کورگزمهسیده « نوایی» اېرکین اقتصادی منطقهوی ادارهسی و روسیه بیر شرکتی اورتهسیده، اۉزبېکستانده اوچاق ایشلب چیقریش بیتیمی امضالنگن. اوشبو بیتیمده، یولاوچی تاشووچی و ملکی اوچووچیسیز اوچاق ایشلب چیقریش نظرده توتیلگن.
بلخ ولایتی حاکمی سۉزلاوچیسی عطاءالله زید بیر بیانیهده، «آزادلیک جبههسی»نینگ اوچ اعضاسی ۱۱-ثور، پنجشنبه کونی بلخ مرکزی مزارشریف شهریدن حبس گه آلینگنینی معلوم قیلگن.
منطقهوی سودا علاقهلریگه باسیم کوچهیگن بیر پیتده، پاکستان حکومتی ۱۱-ثور، پنجشنبه کونی افغانستاننینگ ۱۵۰ یوک تاشووچی موتری گه واگه بندری آرقهلی هندوستان گه اوتیش رخصتینی بیرگن.
غزه ساغلیقنی سقلش مسئوللری، اوتگن کوندن بیری اسرائیل اردوسینینگ هجوملری عاقبتیده اونلب کیشی قربان بولگنلرینی اېتهدیلر. ساغلیقنی سقلش مسئوللری گه کوره، ۱۱-ثور، پنجشنبه کونی اسرائیل اردوسینینگ هجوملریده، ۳۱ کیشی قربان بولیب و باشقه بیرقطار کیشیلر یرهلنگن.
اسلام امیرلیگی باش وزیرینینگ اقتصادی اورین باسری عبدالغنی برادر، ایکّی تامانلمه همکارلیکلرنی کېنگهیتیریش اوچون کېلهسی هفته بیر هیئت باشچیلیگیده روسیه گه باریشی کوتیلهدی. صناعت و سودا وزیرلیگی سۉزلاوچیسی آخندزاده عبدالسلام جواد، بوگون (۱۱-ثور، پنجشنبه) اسلام امیرلیگی هیئتی کازان شهریده اوتکزیلیشی ریجهلشتیریلگن «روسیه-اسلام عالمی» خلقارا اقتصادی مجموعهسیده اشتراک اېتیش اوچون بو مملکت گه باریشینی بیلدیرگن.
هراتده ۶۶۰ میلیون ۷۰۰ مینگ افغانی اېسکیرگن پول، دولت تامانیدن تعیینلنگن هیئت حضوریده آلاو بیریلگن. افغانستان مرکزی بانکی، بوگون (۱۱-ثور، پنجشنبه) ایکس صحیفهسیده، اوشبو مقدار پول هراتده تعیینلنگن هیئت حضوریده آلاو بیریلگنینی معلوم قیلگن.
اسرائیل آرقهلی نوار غزهنینگ بوتونلی شکلده محاصره بولگنی و انسانسیورلیک یاردملر ییتکزیلیشی آلدی آلینگنیدن ۶۰ کون بولگن. بو بیلن بیرگه، اسرائیلنینگ هوا هجوملری سایهسیده اهالی یامان بیر وضعیت بیلن دوچ بولیب و آچرچیلیک بحرانی هم آشگن.
اسلام امیرلیگی صناعت و سودا وزیرلیگی گه کوره، اوشبو وزیرلیک اورین باسری احمدالله زاهد، اۉزبېکستان پایتختی تاشکینت گه قیلگن سفری دایرهسیده بو مملکت صناعت، سرمایه یاتقیزیش و سودا وزیرلیگینینگ معینی بیلن اوچرهشیب افغانستان و اۉزبېکستان اورتهسیده اقتصادی مناسبت کېنگهیشی و سودا آلیش-بیریش قیینچلیکلری حل اېتیلیشی حقیده بحث اېتگنلر.
